పెరుగు పులవకుండా

ఎండలు మండిపోయే ఈ వేసవిలో పెరుగు చేసే మేలు అంతా ఇంతా కాదు. అయితే, ఈ సమ్మర్‌లో వేధించే ప్రధాన సమస్య పెరుగు త్వరగా పులిసిపోవడం. పెరుగు ఎప్పుడూ తీయగా ఉండాలంటే ఈ చిట్కాలు పాటించండి.

• పెరుగు తోడుకోవడానికి పాలవేడి చాలా ముఖ్యం. వేసవిలో వాతావరణం వేడిగా ఉంటుంది కాబట్టి పాలను మరీ ఎక్కువగా వేడి చేయకూడదు. గోరువెచ్చని పాలలో తోడు వేయాలి. పాలు మరీ వేడిగా ఉంటే పెరుగు నీళ్లలా మారిపోతుంది. చల్లగా ఉంటే తోడుకోదు.

• పెరుగు తోడుకున్న వెంటనే అందులో చిన్న పచ్చి కొబ్బరి ముక్క వేయండి. ఇలా చేస్తే రెండుమూడు రోజుల వరకు పెరుగు పులవకుండా తాజాగా ఉంటుంది.

• స్టీలు గిన్నెల కంటే మట్టిపాత్రలోని పెరుగు త్వరగా పులిసిపోదు. మట్టిపాత్రలో ఉండే సూక్ష్మ రంధ్రాలు పెరుగులోని అదనపు తేమను పీల్చుకుని తాజాగా ఉంచుతుంది.

• ఒక్కోసారి తోడు దొరకనప్పుడు గోరువెచ్చని పాలలో రెండు ఎండుమిరపకాయలు తొడిమలు సహా వేయండి. మిర్చిలోని ఎంజైములు పాలను పెరుగ్గా మారుస్తాయి.

• పెరుగు తోడుకున్న వెంటనే దానిని బయట ఉంచకుండా ఫ్రిజ్‌లో పెట్టాలి. బయట ఉంటే గాలిలోని వేడికి కిణ్వ ప్రక్రియ వేగవంతమై త్వరగా పులిసిపోతుంది.

• పెరుగుపైన తేరుకున్న నీటిని ఎప్పటికప్పుడు తీసేస్తూ ఉంటే కూడా పెరుగు త్వరగా పులిసిపోకుండా ఉంటుంది.

ఈ వార్తలు కూడా చదవండి

బాలుడి చేతిలో పేలిన బ్యాటరీ.. తెగిపడిన వేళ్లు..

సిద్దిపేట జిల్లాలో ఘోర రోడ్డు ప్రమాదం.. ఇద్దరి మృతి