పిల్లలు నీళ్లు తాగట్లేదా?

దాహమేస్తే తప్ప పిల్లలు నీరు తాగరు. దీంతో డీ హైడ్రేషన్‌ సమస్యలు రావచ్చు. తరచూ పిల్లలు ఇష్టంగా నీరు తాగాలంటే ఈ చిట్కాలు పాటిస్తే సరి...

• ఆకర్షణీయమైన రంగుల్లో చక్కని డిజైన్లలో ఉండే వాటర్‌ బాటిల్స్‌లో మంచినీటిని నింపి ఇస్తే వాటిని చూడగానే పిల్లలు నీరు తాగాలనుకుంటారు.

• వెడల్పాటి గిన్నెలో మంచినీటిని తీసుకుని అందులో సన్నగా తరిగిన నిమ్మకాయ, స్ట్రాబెర్రీ ముక్కలు, నారింజ తొనలు, సన్నగా తరిగిన అల్లం, పుదీనా, తులసి ఆకులు లాంటివి వేసి రెండు గంటలపాటు ఫ్రిజ్‌లో ఉంచాలి. రుచికరంగా సువాసనభరితంగా తయారైన ఈ ఇన్ఫ్యూజ్డ్‌ నీటిని వడబోసి ఇస్తే పిల్లలు ఇష్టంగా తాగుతారు.

• పారదర్శకంగా కనిపించే వాటర్‌ బాటిల్స్‌లో సబ్జా గింజలు లేదా చియా సీడ్స్‌ వేసి నిండా మంచినీటిని నింపి గంటసేపు ఫ్రిజ్‌లో ఉంచాలి. తరువాత ఆ బాటిల్స్‌ను వేగంగా ఊపి ఇస్తే పిల్లలు తేలియాడే గింజలను చూస్తూ ఆసక్తిగా నీటిని తాగుతారు.

• రోజుకు ఎంత నీరు తాగాలో పిల్లలకు వివరించి చెప్పి అలారాన్ని సెట్‌ చేయాలి. అలారం మొగినప్పుడల్లా నీరు తాగాలనే నిబంధన పెట్టి పిల్లలు దాన్ని పాటించేలా చూడాలి. అప్పుడే పిల్లలు సమయానికి నీరు తాగడం నేర్చుకుంటారు

• మంచినీటి గ్లాసుల్లో రంగురంగుల ఫన్నీ స్ట్రాలు వేసిస్తే వాటి ద్వారా పిల్లలు ఇష్టంగా నీరు తాగుతారు.

ఈ వార్తలు కూడా చదవండి

అత్తాపూర్ కిడ్నాప్‌ కేసు.. ఇంట్లోనే సేఫ్‌గా ఉన్న యువతి

శంషాబాద్ విమానాశ్రయంలో పట్టుపడిన హైగ్రేడ్ గంజాయి..