కొబ్బరి పాలు తయారుచేద్దాం

స్వీట్లు, గ్రేవీ కూరలు, పులావ్‌ తదితర వంటకాల్లో విరివిగా ఉపయోగించే కొబ్బరి పాలను ఇంట్లోనే సులువుగా ఎలా తయారుచేసుకోవచ్చో చూద్దాం...

గ్రైండింగ్‌ మెథడ్‌

• కొబ్బరి వెనక ఉన్న గోధుమ రంగు పొరను చాకుతో తీసేయాలి. తరువాత చిన్నముక్కలుగా కోయాలి. వీటిని మిక్సీలో వేసి మూడు కప్పుల గోరువెచ్చటి నీటిని పోసి మెత్తగా గ్రైండ్‌ చేయాలి. ఈ మిశ్రమాన్ని మరో గిన్నెలోకి వడకట్టి పిప్పిని చేత్తో గట్టిగా పిండాలి. అంతే! చిక్కటి కొబ్బరి పాలు రెడీ!

• ఈ పిప్పిని మరోసారి మిక్సీలో వేసి ఓ కప్పు గోరువెచ్చటి నీటిని పోసి అయిదు నిముషాలు గ్రైండ్‌ చేసి వడబోస్తే మరికొన్ని కొబ్బరి పాలు వస్తాయి.

గ్రేటింగ్‌ మెథడ్‌

• పచ్చి కొబ్బరిని తురిమి పలుచని గుడ్డలో వేసి మూటలా కట్టి గట్టిగా పిండితే చిక్కటి పాలు వస్తాయి.

• మిగిలిన పిప్పిని అరగంటసేపు గోరువెచ్చటి నీటిలో నానబెట్టి మరోసారి గుడ్డలో మూటకట్టి పిండితే మరికొన్ని కొబ్బరిపాలు వస్తాయి. ఇలా రెండు లేదా మూడుసార్లు చేయవచ్చు. ఇవి కాస్త పలుచగా ఉంటాయి.

ఇలా వాడాలి..

• చిక్కటి పాలను డెజర్ట్స్‌, స్మూతీలు, గ్రేవీ కూరల తయారీలో ఉపయోగించాలి. పలుచటి పాలను పులావ్‌, కొబ్బరి అన్నం, కూర్మాలు, సూప్‌ల తయారీలో వాడవచ్చు.

జాగ్రత్తలు

• ఇంట్లో తయారుచేసిన కొబ్బరిపాలను గాలి చొరబడని కంటైనర్లో పోసి ఫ్రిజ్‌లో నిల్వ చేయవచ్చు. కానీ వీలైనంత త్వరగా వాడేయడం మంచిది. వాసన, రంగుల్లో మార్పు కనిపిస్తే ఆ పాలను వాడకూడదు.

ఈ వార్తలనూ చదవండి:

‘గుర్తు’ పట్టకపోతే నష్టం!

జగన్ మాట్లాడటం దెయ్యాలు వేదాలు వల్లించినట్లుంది: మంత్రి లోకేశ్