కల్తీ కనిపెడదాం!

అవగాహన

ముంబయిలో ఒక కుటుంబం మరణానికి పుచ్చపండు కారణమనే వార్తలు వెలువడడంతో ప్రజల్లో ఈ వేసవి పండు పట్ల పలురకాల భయాలు, అనుమానాలు పెరిగిపోయాయి. ఇలాంటి సమయంలో ఎవరికి వారు సురక్షితమైన పుచ్చపండును ఎలా ఎంచుకోవాలో తెలుసుకోవడం అవసరం.

• ఉపరితలం మెరవకూడదు. పండు బరువుగా ఉండాలి. ఎక్కువ మెరుపుతో, ఉపరితలం మీద పొడిని పోలిన పదార్థం కనిపిస్తే ఆ పండుకు దూరంగా ఉండాలి

• పుచ్చపండు మీద పసుపుపచ్చని మచ్చ కోసం వెతకాలి. పుచ్చకాయ నేల మీద సహజసిద్ధంగా పండిందనడానికి ఈ మచ్చ ప్రధాన గుర్తు. పుచ్చకాయ మీదున్న మచ్చ తెల్లగా ఉన్నా, మచ్చే లేకపోయినా ఆ పుచ్చకాయ కొనకూడదు. అలాగే కొన్ని పుచ్చకాయల మీద సాలెగూడును పోలిన గుర్తులుంటాయి. సహజసిద్ధ పరాగసంపర్కానికి ఈ మచ్చ ఒక గుర్తు

• పుచ్చ మక్కల మీద టిష్యూతో అద్దినప్పుడు ముదురు ఎరుపు రంగు మచ్చ ఏర్పడితే దాన్నొక హెచ్చరిక సంకేతంగా భావించాలి

• పుచ్చ ముక్కను నీళ్లలో వేసి చూడండి. నీళ్లు వెంటనే ముదురు ఎరుపు రంగులోకి మారితే కృత్రిమ రంగులు జోడించినట్టు అర్ధం

• ఆరోగ్యకరమైన పుచ్చపండు విత్తనాలు ముదురు గోధుమరంగు లేదా నలుపు రంగులో ఉంటాయి. పాలిపోయిన విత్తనాలు నాణ్యతలేని పండుకు సూచన

• కోసే ముందు పుచ్చకాయను శుభ్రంగా కడగాలి.

ఈ వార్తలనూ చదవండి:

ధరలను పెంచే యోచనలో ఎఫ్‌ఎమ్‌సీజీ కంపెనీలు.. నిత్యావసరాలు మరింత ప్రియం

అంతర్జాతీయ అనిశ్చితులు.. పసిడి ధరల్లో కోత