పిల్లల్ని ఇలా నిద్ర పుచ్చాలి

చిన్న పిల్లలు రాత్రిపూట హాయిగా నిద్రపోవాలంటే తల్లిదండ్రులు పాటించాల్సిన జాగ్రత్తలేంటో చూద్దాం...

• పిల్లల నిద్రకు నిర్దిష్ట సమయాన్ని కేటాయించాలి. రోజూ ఒకే సమయానికి పడుకోవడం అలవాటు చేయాలి.

• బడి నుంచి రాగానే లేదా సాయంత్రం వేళ కొద్దిసేపు ఆరుబయట ఆడుకోనివ్వాలి. సైక్లింగ్‌, దగ్గరలో ఉన్న పార్క్‌లో నడవడం అలవాటు చేయవచ్చు. తరువాత గోరువెచ్చటి నీటితో స్నానం చేయించాలి.

• రాత్రి భోజనాన్ని త్వరగా తినిపించాలి. తేలికగా జీర్ణమయ్యే ఆహారాన్ని పెట్టాలి.

• పడుకునేముందు గోరువెచ్చటి పాలను తాగించాలి. చిన్న చిన్న కథలు చెబుతూ వారిని నిద్రకు సిద్దం చేయాలి.

• పడుకునే సమయానికి గంట ముందు నుంచే టీవీ, మొబైల్‌ చూడనివ్వకూడదు.

• పిల్లలు పడుకునే గది చీకటిగా ప్రశాంతంగా ఉండేలా చూడాలి.

• సమయం దాటినప్పటికీ పడుకోకుండా అల్లరి చేస్తుంటే కోప్పడకూడదు. మృదు స్వరంతో నచ్చచెబితే మాట వింటారు.

• ఉదయాన్నే నిద్ర లేపితే పిల్లలు రాత్రిపూట త్వరగా పడుకుంటారు. పది పన్నెండు గంటలు నిద్రించేలా చూడాలి.

ఈ వార్తలనూ చదవండి:

మరోసారి ట్రిలియనీర్‌గా మస్క్

ఫిన్‌ఫ్లుయెన్సర్లతో జర జాగ్రత్త.. సెబీ చైర్మన్ సూచన