ద్రాక్ష తినేముందు

బజారు నుంచి తీసుకొచ్చిన ద్రాక్ష పండ్లను శుభ్రం చేసిన తరువాతే తినాలని నిపుణులు చెబుతున్నారు. వాటిని ఎలా శుభ్రం చేయాలంటే...

• ద్రాక్ష పండ్లను గుత్తులుగా ఉంచి మాత్రమే కడగాలి. పండ్లను గుత్తి నుంచి వేరుచేసి కడిగితే వాటిపై ఉన్న రసాయనాలు, దుమ్ము లోపలికి వెళ్లే అవకాశం ఉంటుంది.

• ఒక గిన్నెలో సగానికి పైగా మంచినీటిని తీసుకుని అందులో చెంచా ఉప్పువేసి కలపాలి. ఈ నీటిలో ద్రాక్ష పండ్ల గుత్తులను ఉంచి పావు గంటసేపు నాననివ్వాలి. తరువాత వాటిని మరోసారి మంచినీటితో కడగాలి. అప్పుడే వాటిమీద ఉన్న పురుగుమందుల అవశేషాలు తొలగిపోతాయి.

• వెడల్పాటి గిన్నెలో మంచినీటిని తీసుకుని అందులో రెండు చెంచాల నిమ్మరసాన్ని కలపాలి. ఈ నీటితో ద్రాక్ష పండ్ల గుత్తులను కడిగితే వాటిమీద ఉన్న బ్యాక్టీరియా నశిస్తుంది.

• అలాగే బేకింగ్‌ సోడా కలిపిన నీళ్లలో ద్రాక్ష పండ్ల గుత్తులను కొద్దిసేపు నానబెట్టి ఆపైన చేత్తో రుద్ది కడిగితే వాటి మీద పేరుకున్న రసాయనాలు తొలగిపోతాయి.

• వెనిగర్‌ కలిపిన నీళ్లలో ద్రాక్ష పండ్ల గుత్తులు వేసి పది నిమిషాలు నానబెట్టి ఆ తరువాత మంచినీటితో కడిగితే వాటిపై చేరిన దుమ్ము, ధూళి తొలగిపోతాయి. లేదంటే గోరువెచ్చటి నీటితో కడిగినా సరిపోతుంది.

• ద్రాక్ష పండ్ల గుత్తులను గిన్నెలో ఉంచి వాటిమీద పంపు నీరు ధారగా పడేలా చేసి కడగడం మంచిది.

ఈ వార్తలు కూడా చదవండి

కష్టపడిన వారిని గుర్తించడమే టీడీపీ సిద్ధాంతం: మంత్రి లోకేశ్..

ఇలా చేస్తే ఉపేక్షించేది లేదు.. టీడీపీ నేతలపై మంత్రి నారా లోకేశ్ తీవ్ర ఆగ్రహం