ఇంట్లో ప్లేస్‌ సరిపోవట్లేదా

ఒక్కోసారి ఇంట్లో షెల్ఫ్‌లు, టేబుల్స్‌ పూర్తిగా వస్తువులతో నిండి పోతుంటాయి. దీనివల్ల ఇంటి అందం దెబ్బతినడమే కాదు కొత్త వాటిని సర్దడానికి చోటుండదు. అలాకాకుండా ఇంట్లో ప్లేస్‌ కలిసి వచ్చేందుకు పాటించాల్సిన జాగ్రత్తలేంటో చూద్దాం...

• ఇంట్లో వాడని, పాడైపోయిన ఎలకా్ట్రనిక్‌ వస్తువులను తొలగించాలి. పాతవైనప్పటికీ అరల్లో దాచిన టీవీ, ఫ్యాన్లు, కూలర్లు, మొబైల్స్‌, ఛార్జర్లు, బల్బులు, ఇతర గాడ్జెట్లను తీసేయాలి. అప్పుడు చాలా ప్లేస్‌ కనిపిస్తుంది

• ఏళ్ల తరబడి వేసుకోని డ్రెస్‌లు, చీరలను అవసరమైనవారికి ఇచ్చేయాలి. అలాగే పిల్లలకు పొట్టయిన దుస్తులను ఎప్పటికప్పుడు తీసేస్తుండాలి. దీంతో షెల్ఫ్‌లలో బీరువాలో చాలా ప్లేస్‌ ఏర్పడుతుంది

• గడువు ముగిసిన మందుల సీసాలు, ట్యాబ్లెట్‌ షీట్లు, అవసరం లేని ప్రిస్కిప్షన్‌ కాగితాలు, ఎక్స్‌రేలు లాంటివాటిని తొలగించాలి.

• వంటగదిలో వాడని పాత గిన్నెలు, కంచాలు, పగిలిన పింగాణీ సామాన్లను తీసివేయాలి. అవసరానికి మించి ఉన్న స్టీలు సామాన్లను పెద్ద అట్టపెట్టెల్లో ఉంచి అటకమీద సర్దుకోవాలి. ప్లాస్టిక్‌ డబ్బాలు, రకరకాల గిఫ్ట్‌ ఐటెమ్స్‌, ఇతర సామాన్లను అవసరమైనవారికి ఇచ్చేయాలి.

• పాత పేపర్లు, చదవని పుస్తకాలు, పిల్లల నోట్‌బుక్స్‌, వాడని బ్యాగ్‌లను కూడా ఎప్పటికప్పుడు తీసేస్తూ ఉండాలి. ఇలాంటివి ఇంటిని అస్తవ్యస్తంగా మార్చేస్తుంటాయి.

• పాడైన ఆట బొమ్మలు, పిల్లలు ఆడుకోకుండా వదిలేసిన పాత బొమ్మలు, సగం వాడిన క్రేయాన్స్‌, రంగుల సీసాలు, పూర్తిచేసిన డ్రాయింగ్‌ బుక్స్‌ లాంటివాటిని కూడా తొలగించాలి.

• చాలాకాలంగా వేసుకోని చెప్పులు, షూస్‌, సాక్స్‌లను తీసేయాలి. ఆరిపోయిన షూ పాలిష్‌ డబ్బాలు, పాత బ్రష్‌లను కూడా తొలగించాలి.

ఇవీ చదవండి:

రీ-నీట్ ఎఫెక్ట్.. ప్రధాని మోదీ ప్రయాణం వాయిదా

భారత్ - ఈయూ ఫ్రీ ట్రేడ్ డీల్.. డిసెంబర్‌లో సంతకాలు!