చిటికెలో చెక్‌

చిట్కాలు

కొన్ని సమస్యలు తేలికైన చిట్కాలతో సమసిపోతాయి. అయితే అందుకోసం సమస్య మూల కారణాన్ని కనిపెట్టాలి. సాధారణంగా తలెత్తే సమస్యలు, వాటి కారణాలు, పరిష్కారాలు ఇవే!

• మలబద్ధకం వేధిస్తోందా? కారణం పొటాషియం లోపం కావచ్చు. భర్తీ కోసం యాపిల్‌ తినాలి. యాపిల్‌తో ద్రవాలు సంతులనమై, పేగుల కదలికలు పెరుగుతాయి

• వృద్ధాప్య లక్షణాలు దరి చేరకుండా ఉండాలంటే? విటమిన్‌ బి12 సరిపడా తీసుకోవాలి. అందుకోసం పుచ్చకాయ తినాలి. దీన్లోని పోషకాలు చర్మాన్ని మరమ్మత్తు చేసి, సాగే గుణాన్ని పెంచుతాయి

• తరచూ ఆకలి వేధిస్తే? మెగ్నీషియం కొరవడిందని అర్థం. అందుకోసం గుమ్మడి విత్తనాలు తినాలి. వీటితో చక్కెర మోతాదులు స్థిరమై, ఆకలి అదుపులోకొస్తుంది

• తిన్న వెంటనే కడుపుబ్బరం వేధిస్తోందా? అయితే జీర్ణరసాలు లోపించాయని అర్థం. వీటి కోసం బొప్పాయి పండు తినాలి. బొప్పాయితో జీర్ణక్రియ మెరుగు పడి, పొట్టలో గ్యాస్‌ తగ్గుతుంది

• అలసట విసిగిస్తోందా? అయితే ఐరన్‌ లోపంగా భావించాలి. ఈ లోపాన్ని భర్తీ చేయడం కోసం, ఖర్జూరం, పాలకూర తినాలి. వీటితో దక్కే ఐరన్‌తో ఆక్సిజన్‌ సరఫరా మెరుగుపడి, శక్తి సమకూరుతుంది

• వెంట్రుకలు రాలుతున్నాయా? అయితే ప్రొటీన్‌ తీసుకోవాలి. అందుకోసం పన్నీర్‌, గుడ్లు తినాలి. గుడ్లతో కెరటిన్‌ పెరిగి, వెంట్రుకల కుదుళ్లు బలపడతాయి

• చక్కెర పెరుగుతోందా? అయితే పీచు ఎక్కువ తీసుకోవాలి. అందుకోసం చియా విత్తనాలు తినాలి. ఈ విత్తనాలతో గ్లూకోజ్‌ శోషణ పెరిగి, శక్తి స్థిరంగా ఉంటుంది.

• పొడి చర్మంతో ఇబ్బంది పడుతున్నారా? అయితే ఆరోగ్యకరమైన కొవ్వులు తీసుకోవాలి. అందుకోసం వాల్‌నట్స్‌ తినాలి. వీటితో చర్మం మృదువుగా, తేమగా మారుతుంది

• నిద్రలేమి వేధిస్తోందా? అయితే ట్రిప్టోఫాన్‌, మెగ్నీషియం తీసుకోవాలి. అందుకోసం గోరువెచ్చని పాలు తాగాలి. పాలతో సెరటోనిన్‌ పెరిగి హాయిగా నిద్రపడుతుంది

ఇవి కూడా చదవండి:

విండీస్‌పై విజయం.. ‘ఇంపాక్ట్ ప్లేయర్ ఆఫ్ ది మ్యాచ్’ ఎవరంటే?

అతడి హార్డ్ వర్క్ వల్లే సాధ్యమైంది.. సంజుపై సూర్య ప్రశంసలు