ఇంట్లోనే పెడిక్యూర్‌ ఇలా...

కాళ్ల పగుళ్లను నివారించి పాదాల నలుపుదనాన్ని వదిలించే పెడిక్యూర్‌ను ఇంట్లోనే సులభంగా ఎలా చేసుకోవాలో తెలుసుకుందాం...

• ముందుగా నీళ్లతో పాదాలను శుభ్రం చేసుకోవాలి. సబ్బు లేదా షాంపూతో పాదాలను రుద్ది కడగాలి.

• తరువాత వెడల్పాటి టబ్‌లో సగానికి పైగా గోరువెచ్చటి నీళ్లు పోసి అందులో రెండు చెంచాల ఉప్పు, మూడు చెంచాల నిమ్మరసం, గుప్పెడు గులాబీ రేకులు వేసి బాగా కలపాలి. ఈ నీటిలో పాదాలు ఉంచి అరగంటసేపు నాననివ్వాలి.

• తరువాత స్క్రబ్బర్‌ లేదా ప్యూమిన్‌ స్టోన్‌తో పాదాలను మెల్లగా రుద్దాలి. ఇలా చేయడం వల్ల పాదాలమీద పేరుకున్న మృతకణాలు, మురికి తొలగిపోతాయి.

• ఆపైన చెంచా చక్కెరలో చెంచా కాఫీ పొడి, అర చెంచా కొబ్బరి నూనె కలిపిన మిశ్రమంతో పాదాలమీద మర్దన చేయాలి. దీనివల్ల పాదాలకు రక్తప్రసరణ పెరుగుతుంది.

• తరువాత గోళ్లను కత్తిరించి ట్రిమ్‌ చేయాలి. ఆపైన చల్లటి నీళ్లతో లేదా ఐస్‌ క్యూబ్స్‌తో పాదాలను మరోసారి శుభ్రం చేసుకోవాలి. తరువాత పలుచని తువాలు లేదా రుమాలుతో పాదాలను పొడిగా తుడవాలి.

• చివరగా కొబ్బరి నూనె లేదా ఆలివ్‌ ఆయిల్‌ను చేత్తో తీసుకుని పాదాలకు పట్టిస్తూ మెల్లగా నొక్కుతూ ఉండాలి. దీనివల్ల పాదాల్లో రక్తప్రసరణ పెరగడమే కాదు కాళ్ల పగుళ్లు తగ్గిపోతాయి. తగినంత తేమ చేకూరి పాదాలు మృదువుగా కాంతివంతంగా మారతాయి.

ఈ వార్తలు కూడా చదవండి..

అంతర్జాతీయ టెక్ మ్యాప్‌లో విశాఖకు చోటు

రుద్రంపేట ఘటనపై రాయపాటి శైలజ ఆరా

For More AP News And Telugu News