వీటితో దాహార్తి మాయం

వేసవిలో అధిక ఉష్ణోగ్రతల కారణంగా శరీరం చెమట రూపంలో నీటిని కోల్పోయి త్వరగా అలసిపోతుంది. అలాంటప్పుడు దాహార్తిని తీర్చి శరీరానికి చల్లదనాన్ని అందించే పండ్లు ఇవే.

• పుచ్చకాయలో నీటిశాతం అధికంగా ఉంటుంది. మధ్యాహ్న సమయంలో తాజా పుచ్చకాయ ముక్కలు తింటే దాహం తీరడంతోపాటు శరీరానికి తక్షణశక్తి లభిస్తుంది.

• తరచూ కర్బూజా పండును తినడం వల్ల శరీరం తేమను కోల్పోకుండా ఉంటుంది. వడదెబ్బ తగలదు.

• కీర ముక్కలు తినడం వల్ల శరీర ఉష్ణోగ్రత నియంత్రణలో ఉంటుంది. నోరు తడారిపోవడం, గొంతెండిపోవడం లాంటి సమస్యలనుంచి ఉపశమనం కలుగుతుంది.

• కొబ్బరి నీళ్లు తాగడం వల్ల డీహైడ్రేషన్‌, నీరసం, అలసట తగ్గి తాజా అనుభూతి కలుగుతుంది.

• నారింజ, బత్తాయి, దానిమ్మ, చెర్రీ, స్ట్రాబెర్రీ, అనాస, మల్బరీ, వాటర్‌ యాపిల్‌, ద్రాక్ష లాంటి పండ్లు తినడం వల్ల వేసవి తాపం తీరడమే కాదు శరీరంలో రోగనిరోధక శక్తి పెరుగుతుంది. తాటి ముంజలు, నిమ్మరసం, చెరకురసం కూడా మేలు చేస్తాయి. మామిడి పండ్లను మితంగా తినడం మంచిది.

• బొప్పాయి, లిచీ, నేరేడు పండ్లు కూడా వేసవిలో మేలు చేస్తాయి.

ఇవి కూడా చదవండి..

ఇరాన్ దిగి వచ్చింది.. కానీ ఇప్పటికే ఆలస్యమైంది: ట్రంప్

ఇరాన్ అధ్యక్ష కార్యాలయంపై దాడి.. ఇజ్రాయెల్ డిఫెన్స్ ఫోర్స్ వెల్లడి