ఇవి తాగాలి

శరీరంలో వ్యర్థాలన్నీ తొలగిపోయి చర్మం ఆరోగ్యంగా ప్రకాశవంతంగా మెరిసేందుకు ఏ పానీయాలు తాగాలో తెలుసుకుందాం...

• చర్మ సౌందర్యాన్ని కాపాడడంలో ఉసిరి రసం అద్భుతంగా పనిచేస్తుంది. దీనిలోని సి విటమిన్‌, యాంటీ ఆక్సిడెంట్లు కలిసి చర్మ కణాలను పెంచుతాయి. కొల్లాజెన్‌ ఉత్పత్తిని పెంచి చర్మాన్ని బిగుతుగా మారుస్తాయి. దీంతో ముడుతలు, గీతలు, మచ్చలు తొలగిపోతాయి.

• రాత్రి పడుకునేముందు గ్లాసు గోరువెచ్చటి పాలలో చిటికెడు పసుపు కలుపుకుని తాగితే ఉదయానికల్లా అలసట తీరి ముఖం తాజాగా కనిపిస్తుంది. పసుపులోని యాంటీ బ్యాక్టీరియల్‌, యాంటీ ఇన్‌ఫ్లమేటరీ గుణాలు చర్మ ఆరోగ్యానికి తోడ్పడతాయి.

• ఒక గ్లాసు నీటిలో రెండు చెంచాల ధనియాలు వేసి రాత్రంతా నాననిచ్చి ఉదయాన్నే వడబోసుకుని తాగితే రక్తం శుభ్రపడుతుంది. శరీరంలో వేడి అదుపులో ఉంటుంది.

• గిన్నెలో ఒక గ్లాసు నీటిని పోసి రెండు చెంచాల సోంపు వేసి బాగా మరిగించి కొద్దిగా పటికబెల్లం కలుపుకుని తాగితే జీర్ణశక్తి పెరుగుతుంది. మలబద్దకం తగ్గుతుంది. దీంతో శరీరంలోని వ్యర్థాలన్నీ తొలగిపోయి చర్మం కాంతివంతంగా మారుతుంది.

ఈ వార్తలనూ చదవండి:

ఎఫ్‌డీఐలకు భారీ ఊతం!

భగ్గుమంటున్న చక్కెర ధర