మొటిమలు మాయం ఇలా...

ముఖంపై తరచూ మొటిమలు వస్తుంటే ఈ జాగ్రత్తలు పాటిస్తే సరి...

• బయటికి వెళ్లేటప్పుడు ముఖానికి తప్పనిసరిగా సన్‌స్ర్కీన్‌ లోషన్‌ రాసుకోవాలి. దీనివల్ల సూర్యరశ్మిలోని హానికారక కిరణాల నుంచి చర్మానికి రక్షణ లభిస్తుంది.

• ముఖానికి రాసుకునే క్రీమ్‌లు, మాయిశ్చరైజర్లు, హైలైటర్లు, లిక్విడ్‌ ఫౌండేషన్లు తదితరాల్లో అంతగా ఆయిల్‌ లేని ఉత్పత్తులను ఉపయోగించాలి. దీనివల్ల ముఖంపై జిడ్డు తగ్గుతుంది. చర్మ రంధ్రాలు మూసుకుపోవు. ఫలితంగా మొటిమల సమస్య తీరుతుంది.

• మొటిమలు ఉంటే రోజుకు రెండుసార్లు ముఖాన్ని మైల్డ్‌ క్లెన్సర్‌తో కడగాలి. దీంతో జిడ్డు, మురికి తొలగి క్రమంగా మొటిమలు మాయమవుతాయి.

• మొటిమలను చేత్తో తాకకూడదు. వాటిని గిల్లడం, ఒత్తడం చేయకూడదు. అలా చేస్తే సమస్య తీవ్రమవుతుంది.

• తరచూ మంచినీటిని తాగుతుండాలి. అప్పుడే చర్మం తేమతో నిండుతుంది. శరీరంలోని వ్యర్థాలు బయటికి విసర్జితమవుతాయి. జీవక్రియలు సజావుగా జరుగుతుంటే మొటిమలు అంతగా రావు.

• స్వీట్లు, నూనె పదార్థాలు, ప్రాసెస్డ్‌ ఫుడ్‌ను తీసుకోకూడదు. తాజా పండ్లు, కూరగాయలను తింటుంటే ఫలితం ఉంటుంది.

ఇవి కూడా చదవండి

ఆ అవమానకర వ్యాఖ్యల వెనుక ఉన్న అసలు వ్యక్తులను గుర్తించాలి: కొండా సురేఖ

డీఎస్సీపై జగన్‌కు మరోసారి సవాల్ విసిరిన మంత్రి లోకేశ్