Anapakaya Seeds For Strong Immunity: అనపకాయ షిమ్‌ గింజలు తిందాం...

చలికాలంలో విరివిగా దొరికే అనపకాయ గింజల్లో ఎన్నో రకాల పోషకాలు ఉంటాయి. వీటిని తినడం వల్ల కలిగే ఆరోగ్య ప్రయోజనాలు ఇవే...

• అనపకాయ(షిమ్‌) గింజలను ఉడికించి తింటే రక్తంలో చెడు కొలెస్ట్రాల్‌ స్థాయి తగ్గుతుంది. గుండె కండరాలు బలోపేతమవుతాయి. వీటిలో ఉండే పీచు జీర్ణక్రియను వేగవంతం చేస్తుంది. మలబద్దకాన్ని నివారిస్తుంది

• అనపకాయ గింజలను ఆహారంలో చేర్చుకోవడం వల్ల కడుపు ఉబ్బరం, అజీర్ణం, అల్సర్‌, నులిపురుగులులాంటి సమస్యలు తీరుతాయి. వీటిలో ఎక్కువగా పిండి పదార్థాలు ఉంటాయి. ఇవి అధికంగా తినాలనే కోరికను తగ్గించి శరీరం బరువు పెరగకుండా నియంత్రిస్తాయి.

• అనపకాయల్లో అధికంగా ఉండే డి విటమిన్‌, కాల్షియం, పాస్ఫరస్‌ లాంటి పోషకాలు ఎముకలను ఆరోగ్యంగా ఉంచుతాయి. దంతక్షయం నుంచి కాపాడతాయి. పొటాషియం, మాంగనీస్‌, జింక్‌ లాంటి మినరల్స్‌.. కండరాల తిమ్మిరిని తగ్గిస్తాయి. శ్వాసకోశ సమస్యల నుంచి ఉపశమనం కలిగిస్తాయి.

• అనపకాయ గింజల్లో ఉండే అమైనో ఆమ్లాలు.. హార్మోన్లను సమతుల్యంలో ఉంచుతాయి. మెదడు చురుకుగా పనిచేసేందుకు దోహదం చేస్తాయి. వీటిలో ఉండే యాంటీ ఆక్సిడెంట్లు శరీరంలో రోగనిరోధక శక్తిని పెంపొందిస్తాయి. అకాల వార్థక్యాన్ని నిరోధిస్తాయి.

ఈ వార్తలు కూడా చదవండి..

కర్నూలుకు హైకోర్టు బెంచ్ రావడం ఖాయం: మంత్రి భరత్

విశాఖ బ్రాండ్ ఇమేజ్ దెబ్బతీస్తే సహించేది లేదు: సీఎం వార్నింగ్

For More AP News And Telugu News