వీటితో నీరసం మాయం...

ఏ అనారోగ్యమూ లేకపోయినా, సమయానుసారం భోజనం చేసి నిద్రకు ఉపక్రమించినా ఒక్కోసారి నీరసం, నిస్సత్తువ ఆవహిస్తూ ఉంటాయి. అలాంటప్పుడు తినే ఆహారంలో కొన్ని మార్పులు చేసుకుంటే సరిపోతుంది.

• తేలికగా జీర్ణమయ్యే ఆహారాన్ని తీసుకోవాలి. వేడి వేడి అన్నంలో పలుచగా తయారు చేసిన పప్పు లేదా ఏదైనా కూర కలుపుకుని తింటే వెంటనే నీరసం తగ్గుతుంది.

• వివిధ రకాల కూరగాయలు, మిరియాలతో తయారు చేసిన కిచిడీని తినడం వల్ల నిస్సత్తువ తగ్గుతుంది. శరీరానికి తక్షణ శక్తి లభిస్తుంది.

• వేడి వేడిగా వెజిటబుల్‌ సూప్‌ తాగితే శరీరానికి కావాల్సిన పోషకాలు, నీరు లభిస్తాయి. ఉత్సాహంగా అనిపిస్తుంది.

• మధ్యాహ్న భోజనం చివరలో పెరుగన్నం తింటే ఒత్తిడి, ఆందోళన తగ్గుతాయి. రాత్రి పడుకునేముందు ఒక గ్లాసు పలుచని మజ్జిగా తాగితే ఉదయానికల్లా నిరసం మాయమవుతుంది.

• నీరసంగా అనిపించినప్పుడు అరటిపండు తింటే వెంటనే ప్రయోజనం కనిపిస్తుంది. జంక్‌ ఫుడ్‌కు బదులు విటమిన్లు, ప్రొటీన్లు, మినరల్స్‌తో కూడిన పోషకాహారాన్ని తీసుకుంటే ఎప్పుడూ చురుకుగా, ఉత్సాహంగా ఉండవచ్చు.

• ఉదయం పూట అల్పాహారం తీసుకోవడం మానకూడదు. దాహంగా అనిపించకపోయినా కనీసం రెండు గంటలకు ఒకసారైనా గ్లాసుడు మంచినీళ్లు తాగుతూ ఉండాలి.

• శరీరంలో డి విటమిన్‌ లోపించినా నీరసంగా అనిపిస్తుంది కాబట్టి తృణధాన్యాలు, పాలు, గుడ్లు, చేపలను తప్పనిసరిగా ఆహారంలో చేర్చుకోవాలి. శరీరానికి సూర్యరశ్మి తగిలేలా చూసుకోవాలి.

ఈ వార్తలు కూడా చదవండి..

పెట్టుబడులకు అత్యంత సురక్షితమైనది.. భారత్: సీఎం చంద్రబాబు

మహిళా కానిస్టేబుల్‌ను అభినదించిన హోం మంత్రి అనిత

For More AP News And Telugu News