దంతాల పసుపుదనం పోయేదెలా..?

సరిగా తోముకోకపోవడం, ఆహారపు అలవాట్ల కారణంగా దంతాలు పసుసురంగులోకి మారుతుంటాయి. వీటిని తెల్లగా మెరిపించే సులువైన చిట్కాలివే...

• చెంచా ఉప్పులో పావుచెంచా నిమ్మరసం కలిపి దాంతో దంతాలు తోముకోవాలి. రోజూ చేస్తూ ఉంటే పసుపుదనం తొలగి దంతాలు మెరుస్తాయి.

• చెంచా బేకింగ్‌ సోడాలో పావు చెంచా నీళ్లు కలిపి పేస్టులా చేయాలి. దీంతో రోజుకు రెండుసార్లు దంతాలు తోముకుంటూ ఉంటే వారం రోజుల్లో మంచి ఫలితం కనిపిస్తుంది.

• రెండు రోజులకోసారి బొగ్గుపొడితో దంతాలు తోముకున్నా వాటిపై పేరుకున్న పాచి తొలగి తెల్లగా కనిపిస్తాయి.

• రోజూ రాత్రి పడుకునేముందు అరటిపండు తొక్క లోపలి భాగంతో దంతాలను తోముకోవాలి. తరచూ ఇలా చేస్తుంటే అరటిపండు తొక్కలోని పొటాషియం, మాంగనీస్‌ కలిసి దంతాలను తెల్లగా మార్చేస్తాయి.

• రెండు చెంచాల స్ట్రాబెర్రీ లేదా అనాస పండు గుజ్జులో చెంచా బేకింగ్‌ సోడా కలిపి పేస్టులా చేయాలి. దీంతో దంతాలను తోముకుంటూ ఉంటే వారం రోజుల్లో ఫలితం కనిపిస్తుంది.

• చిన్న గిన్నెలో రెండు చెంచాల యాపిల్‌ సైడర్‌ వెనిగర్‌ వేసి గ్లాసు నీళ్లు పోసి కలపాలి. ఈ నీటి తో రోజుకు రెండుసార్లు నోటిని పుక్కిలిస్తూ ఉంటే దంతాలు పూర్తిగా శుభ్రపడి తెల్లగా మెరుస్తాయి.

• కాఫీ, టీ, ముదురు రంగు పానీయాలను తాగడం తగ్గించాలి. పండ్ల రసాలు తాగేటప్పుడు స్ట్రా ఉపయోగించడం మంచిది.

• చెరుకు గడలు, యాపిల్‌, జామ, కేరట్‌లను ముక్కలుగా కోయకుండా వాటిని అలాగే దంతాల సహాయంతో కొరికి తినడం వల్ల మంచి ప్రయోజనం చేకూరుతుంది.

ఈ వార్తలు కూడా చదవండి..

అంతర్జాతీయ టెక్ మ్యాప్‌లో విశాఖకు చోటు

రుద్రంపేట ఘటనపై రాయపాటి శైలజ ఆరా

For More AP News And Telugu News