హెయిర్‌ కవర్‌ అప్‌

మేకప్‌

నుదుటి దగ్గర వెంట్రుకలు పలుచబడినప్పుడు, తెల్లబడినప్పుడు ఉపయోగించడానికి తోడ్పడే హెయిర్‌ కవర్‌ అప్‌ ఉత్పత్తులు నేడు అందుబాటులోకొచ్చాయి. పౌడర్‌, లిక్విడ్‌ రూపాల్లో దొరికే ఈ ఉత్పత్తులను ఉపయోగించడం, ఫలితాన్ని రాబట్టడం ఎంతో సులభం.

కొందరికి వెంట్రుకలు పలుచగా ఉండొచ్చు. ఇంకొందరికి వయసుపైబడేకొద్దీ తల ముందు వైపు వెంట్రుకలు పులచబడిపోవచ్చు. ఇలాంటి సందర్భాల్లో సాధారణంగా ఫ్రంట్‌ కట్‌తో ఆ జాగాన్ని భర్తీ చేసుకుంటూ ఉంటారు. కానీ ఆ హెయిర్‌కట్‌ను ఆశ్రయించడం ఇష్టం లేని వాళ్లు, సులభంగా లోపాన్ని సరిదిద్దుకోవాలనుకునేవాళ్లు హెయిర్‌ కవర్‌ అప్‌ ఉత్పత్తులను ఎంచుకోవచ్చు.

కవర్‌ అప్‌ పౌడర్‌: పలుచబడిన ప్రదేశాన్ని వెంట్రుకల్లో కలిసిపోయేలా చేసే పౌడర్‌ ఇది. తెల్లబడిన వెంట్రుకలు, వెంట్రుకలు ఊడిపోయిన ప్రదేశాల్లో ఈ పౌడర్‌ను అద్దుకుని, సహజసిద్ధ లుక్‌ను సొంతం చేసుకోవచ్చు. పొడిగా ఉన్న వెంట్రుకలకు స్పాంజితో ఈ పౌడర్‌ను అద్ది, వెంట్రుకల చివర్ల వైపు బ్లెండ్‌ చేస్తే, పౌడర్‌ చక్కగా అంటుకుపోయి, నిండుతనాన్ని అందిస్తుంది

కవర్‌ అప్‌ లిక్విడ్‌: మస్కారాను తలపించే ఈ ఉత్పత్తిని అప్లై చేసుకోవడం ఎంతో సులభం. స్టిక్‌కు అంటుకున్న అదనపు లిక్విడ్‌ను వదిలించి, అవసరమైన చోట సున్నితంగా అప్లై చేసుకోవాలి. స్టిక్‌కు అంటుకుని ఉండే బ్రష్‌ను ఉపయోగించడం వల్ల, వెంట్రుకలను తలపించే గీతలు ఏర్పడి న్యాచురల్‌ లుక్‌ సమకూరుతుంది.

ఈ వార్తలు కూడా చదవండి

అమరావతిపై ఓర్వలేక విష ప్రచారం చేస్తున్నారు: దేవినేని ఉమామహేశ్వరరావు

పదవిగా కాదు.. బాధ్యతగా భావిస్తున్నా: లింగమనేని రమేశ్