హైదరాబాద్ టూ గోవా టూర్.. ఐఆర్‌సీటీసీ ప్రత్యేక టూర్ ప్యాకేజీ!

ఇంటర్నెట్ డెస్క్: సముద్ర తీరాల అందాలు, చారిత్రక కట్టడాలు, నైట్ లైఫ్, అడ్వెంచర్ కార్యకలాపాలకు ప్రసిద్ధి చెందిన గోవా.. అత్యంత ప్రజాదరణ పొందిన పర్యాటక ప్రాంతాల్లో ఒకటి. గోవా సందర్శనకు ఆసక్తి ఉన్న ప్రయాణికుల కోసం ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) ప్రత్యేక పర్యాటక ప్యాకేజీని ప్రకటించింది.

గోవా డిలైట్ పేరుతో అందిస్తున్న ఈ టూర్‌లో విమాన ప్రయాణం, హోటల్ వసతి, భోజన సదుపాయాలు, ప్రముఖ పర్యాటక ప్రాంతాల సందర్శన వంటి ఏర్పాట్లు ఉన్నాయి. కేవలం నాలుగు రోజుల వ్యవధిలో గోవాలోని ముఖ్యమైన ఆకర్షణీయ ప్రదేశాలను వీక్షించేలా ఈ ప్యాకేజీ రూపొందించారు.

టూర్ వివరాలు

• ప్యాకేజీ పేరు: గోవా డిలైట్

• వ్యవధి: 3 రాత్రులు – 4 రోజులు

• ప్రయాణ తేదీ: సెప్టెంబర్ 9

• ప్రారంభ స్థలం: హైదరాబాద్

విమాన ప్రయాణం

హైదరాబాద్‌లోని రాజీవ్ గాంధీ అంతర్జాతీయ విమానాశ్రయం నుంచి ఉదయం విమానంలో బయలుదేరి మధ్యాహ్నానికి గోవా చేరుకుంటారు. తిరుగు ప్రయాణం నాలుగో రోజు మధ్యాహ్నం గోవా నుంచి ప్రారంభమై సాయంత్రానికి హైదరాబాద్‌కు చేరుకుంటారు.

ప్యాకేజీ ఛార్జీలు

• సింగిల్ ఆక్యుపెన్సీ: రూ.24,640

• డబుల్ ఆక్యుపెన్సీ: రూ.19,200

• ట్రిపుల్ ఆక్యుపెన్సీ: రూ.18,680

• 2 నుంచి 11 సంవత్సరాల పిల్లలకు: రూ.15,520

• 2 నుంచి 4 సంవత్సరాల చిన్నారులకు: రూ.9,130

టూర్‌లో సందర్శించే ప్రదేశాలు

మొదటి రోజు:

గోవా చేరుకున్న తర్వాత హోటల్‌లో చెక్-ఇన్. సాయంత్రం స్థానిక మార్కెట్లు, పరిసర ప్రాంతాలను సందర్శించే అవకాశం.

రెండో రోజు:

సౌత్ గోవా పర్యటనలో ప్రముఖ చర్చిలు, మ్యూజియంలు, శ్రీ మంగేషి ఆలయం, మిరామర్ బీచ్ సందర్శన. సాయంత్రం మండోవి నదిలో క్రూయిజ్ ప్రయాణం.

మూడో రోజు:

నార్త్ గోవాలోని అగువాడా, కాండోలిమ్, అంజునా బీచ్, వాగేటర్ బీచ్‌, చాపోరా కోట వంటి ప్రముఖ ప్రదేశాల సందర్శన. ఆసక్తి ఉన్నవారు వాటర్ స్పోర్ట్స్‌లో పాల్గొనవచ్చు.

నాలుగో రోజు:

అల్పాహారం అనంతరం హోటల్ చెక్ అవుట్ చేసి విమానాశ్రయానికి చేరుకుని హైదరాబాద్‌కు తిరుగు ప్రయాణం.

ప్యాకేజీలో లభించే సదుపాయాలు

• విమాన టిక్కెట్లు

• ఏసీ హోటల్ వసతి

• మూడు రోజుల బ్రేక్‌ఫాస్ట్

• మూడు రోజుల డిన్నర్

• టూరిస్ట్ స్పాట్లకు రవాణా సదుపాయం

గోవా విహారయాత్రను తక్కువ ఖర్చుతో ప్లాన్ చేస్తున్న వారికి ఈ ఐఆర్‌సీటీసీ ప్యాకేజీ బెస్ట్ ఛాయిస్. విమాన ప్రయాణం నుంచి వసతి, పర్యాటక ప్రదేశాల సందర్శన వరకు అన్నీ ఒకే ప్యాకేజీలో ఉండటంతో ప్రయాణికులు ముందస్తుగా బుకింగ్ చేసుకోవచ్చు.

Also Read:

ధనవంతులు చేసే పనులు ఇవే.. కీర్తి, డబ్బు సంపాదించాలనుకుంటే ఇలా చేయండి

ముక్కు ఆకారాన్ని బట్టి మీ వ్యక్తిత్వాన్ని తెలుసుకోండి