ఐఆర్‌సీటీసీ అదిరిపోయే టూర్ ప్యాకేజ్.. ‘కోస్టల్ కర్ణాటక’ టూర్ వివరాలు ఇవే

ఇంటర్నెట్ డెస్క్: ఆధ్యాత్మిక యాత్రతో పాటు సముద్ర తీరాల అందాలు, ప్రకృతి సోయగాలను ఒకే ట్రిప్‌లో ఆస్వాదించాలని భావిస్తున్న వారికి ఐఆర్‌సీటీసీ ప్రత్యేక పర్యాటక ప్యాకేజీని అందిస్తోంది. 'కోస్టల్ కర్ణాటక' పేరుతో రూపొందించిన ఈ 5 రాత్రులు–6 రోజుల టూర్‌లో ఉడుపి, కొల్లూరు, మురుడేశ్వర్, గోకర్ణ, హొరనాడు, శృంగేరి, మంగళూరు వంటి ప్రముఖ పుణ్యక్షేత్రాలు, పర్యాటక ప్రాంతాలను సందర్శించే అవకాశం కల్పిస్తోంది. హైదరాబాద్‌లోని కాచిగూడ రైల్వే స్టేషన్ నుంచి ప్రతి మంగళవారం ఈ యాత్ర ప్రారంభమవుతుంది.

ప్యాకేజ్ వివరాలు

• ప్యాకేజ్ పేరు: కోస్టల్ కర్ణాటక

• ప్యాకేజ్ కోడ్: SHR085

• ప్రారంభ కేంద్రం: కాచిగూడ రైల్వే స్టేషన్, హైదరాబాద్

• ప్రయాణ విధానం: రైలు

• రైలు నంబర్: కాచిగూడ–మంగళూరు సెంట్రల్ ఎక్స్‌ప్రెస్ (12789/12790)

• ప్రయాణ ప్రారంభ సమయం: ఉదయం 6:05 గంటలు

• టూర్ : ప్రతి మంగళవారం

• తరగతులు: స్లీపర్ (Standard), 3AC (Comfort)

6 రోజుల టూర్

మొదటి రోజు: ప్రతి మంగళవారం ఉదయం కాచిగూడ నుంచి రైలులో ప్రయాణం ప్రారంభమవుతుంది. రాత్రంతా రైలు ప్రయాణం ఉంటుంది.

రెండో రోజు: ఉదయం మంగళూరు చేరుకుని అక్కడి నుంచి ఉడుపికి వెళ్తారు. హోటల్‌లో విశ్రాంతి తీసుకున్న తర్వాత శ్రీకృష్ణ ఆలయం, మల్పే బీచ్‌ను సందర్శిస్తారు. రాత్రికి ఉడుపిలో బస ఉంటుంది.

మూడో రోజు: ఉదయం కొల్లూరులోని శ్రీ మూకాంబికా ఆలయాన్ని దర్శిస్తారు. అనంతరం మురుడేశ్వర్‌లోని ప్రసిద్ధ శివాలయం, భారీ శివుని విగ్రహాన్ని వీక్షిస్తారు. ఆ తర్వాత గోకర్ణ మహాబలేశ్వర ఆలయం, సముద్రతీరాన్ని సందర్శించి తిరిగి ఉడుపికి చేరుకుంటారు.

నాలుగో రోజు: హోటల్ నుంచి చెక్‌అవుట్ చేసిన తర్వాత హొరనాడు లోని అన్నపూర్ణేశ్వరి ఆలయం, అనంతరం శృంగేరిలోని శారదాంబ ఆలయాన్ని దర్శించి సాయంత్రానికి మంగళూరుకు చేరుకుంటారు. అక్కడే రాత్రి బస ఉంటుంది.

ఐదో రోజు: మంగళూరు నగరంలోని మంగళాదేవి ఆలయం, కద్రి మంజునాథ ఆలయం, కుద్రోలి గోకర్ణనాథ ఆలయం, తన్నీర్భవి బీచ్ వంటి ప్రముఖ ప్రాంతాలను సందర్శిస్తారు. సాయంత్రం మంగళూరు సెంట్రల్ స్టేషన్ నుంచి హైదరాబాద్‌కు తిరుగు ప్రయాణం ప్రారంభమవుతుంది.

ఆరవ రోజు: రాత్రి కాచిగూడ రైల్వే స్టేషన్‌కు చేరుకోవడంతో యాత్ర ముగుస్తుంది.

ప్యాకేజ్ ధరలు

3AC

• సింగిల్ షేరింగ్ – ₹41,630

• ట్విన్ షేరింగ్ – ₹23,670

• ట్రిపుల్ షేరింగ్ – ₹19,000

స్లీపర్

• సింగిల్ షేరింగ్ – ₹38,600

• ట్విన్ షేరింగ్ – ₹20,650

• ట్రిపుల్ షేరింగ్ – ₹15,970

నాలుగు నుంచి ఆరు మంది కలిసి బుకింగ్ చేసుకుంటే మరింత తక్కువ ధరల్లో ఈ ప్యాకేజీ లభిస్తుంది.

ప్యాకేజీలో కల్పించే సౌకర్యాలు

• స్లీపర్ లేదా 3AC రైలు ప్రయాణం

• స్థానికంగా ఏసీ వాహనంలో రవాణా

• మూడు రాత్రుల హోటల్ వసతి

• మూడు రోజుల అల్పాహారం

• షెడ్యూల్ ప్రకారం పూర్తిగా సైట్‌సీయింగ్

• ట్రావెల్ ఇన్సూరెన్స్

• టోల్, పార్కింగ్, జీఎస్‌టితో సహా ఇతర పన్నులు

ప్యాకేజీలో లేని సేవలు

• మధ్యాహ్న, రాత్రి భోజనం

• రైలులో ఆహారం

• ఆలయ ప్రత్యేక దర్శన టికెట్లు, ప్రవేశ రుసుములు

• బోటింగ్, హార్స్ రైడింగ్ వంటి వినోద కార్యక్రమాలు

• టూర్ గైడ్ సేవలు

• వ్యక్తిగత ఖర్చులు, ఇతర అదనపు సేవలు

హోటల్ వసతి

• ఉడుపి: వైట్ లోటస్ లేదా సమాన స్థాయి హోటల్

• మంగళూరు: జింగర్ హోటల్ లేదా సమాన స్థాయి హోటల్

ఆధ్యాత్మిక క్షేత్రాల దర్శనం, కర్ణాటక తీర ప్రాంతంలోని అందమైన బీచ్‌లు, ప్రకృతి సోయగాలు, చారిత్రక ప్రదేశాలను ఒకే యాత్రలో చూడాలనుకునే వారికి ఈ ఐఆర్‌సీటీసీ కోస్టల్ కర్ణాటక ప్యాకేజ్ మంచి ఎంపిక. హైదరాబాద్ నుంచి నేరుగా రైలు సౌకర్యం ఉండటంతో కుటుంబ సభ్యులు, స్నేహితులతో కలిసి సౌకర్యవంతంగా ఈ యాత్రను ప్లాన్ చేసుకోవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ప్రెషర్‌ కుక్కర్‌ విజిల్‌ వేస్తూ నీరు కారుతోందా? ఈ సింపుల్‌ చిట్కాలతో సమస్యకు చెక్‌

దానం చేసేటప్పుడు ఈ 5 తప్పులు చేయొద్దు