గ్యాస్ సిలిండర్‌పై ఉన్న కోడ్ అర్థం ఏమిటి? ప్రతి ఒక్కరూ తెలుసుకోవలసిన విషయం

ఇంటర్నెట్ డెస్క్: ఎల్పీజీ సిలిండర్లను సురక్షితంగా ఉపయోగించడం, నిల్వ చేయడం చాలా ముఖ్యం. సిలిండర్లను వేడికి దూరంగా, సురక్షితమైన ప్రదేశంలో ఉంచాలి. అయితే, గ్యాస్ సిలిండర్‌పై ఉన్న కోడ్ అర్థం ఏమిటో మీరు ఎప్పుడైనా ఆలోచించారా? సిలిండర్‌పై ఉన్న కోడ్ (ఉదా: A-26) ద్వారా దాని గడువు తేదీని తెలుసుకోవచ్చు.

ఇంటి లేదా వ్యాపార అవసరాల కోసం ఎల్పీజీ సిలిండర్‌ను వాడేటప్పుడు కొన్ని భద్రతా నియమాలను పాటించడం చాలా అవసరం. ఒక సిలిండర్ ఖాళీ కావడానికి ఎంత సమయం పడుతుంది, అలాగే దానిపై ఉన్న గడువు తేదీని ఎలా గుర్తించాలో ఇక్కడ తెలుసుకోండి.

ప్రతి గ్యాస్ సిలిండర్ పైభాగంలో ఆంగ్ల అక్షరాలు, సంఖ్యలు ఉంటాయి.(ఉదాహరణకు: A-26, B-27, C-28, D-29). ఇవి సిలిండర్ భద్రతా పరీక్షా కాలాన్ని సూచిస్తాయి.

• A: జనవరి నుండి మార్చి వరకు

• B: ఏప్రిల్ నుండి జూన్ వరకు

• C: జూలై నుండి సెప్టెంబర్ వరకు

• D: అక్టోబర్ నుండి డిసెంబర్ వరకు

చివరన ఉండే సంఖ్య (ఉదా: 25, 26) సిలిండర్ గడువు ముగిసే సంవత్సరాన్ని (2025, 2026) సూచిస్తుంది.

కోడ్ ఉన్న సిలిండర్ గడువు దాటితే, ఆ సిలిండర్‌ని వాడకూడదు. అటువంటి సిలిండర్ వస్తే వెంటనే గ్యాస్ ఏజెన్సీకి తెలియజేయాలి.

పాటించాల్సిన జాగ్రత్తలు:

• సిలిండర్‌ను గాలి బాగా వచ్చే ప్రదేశంలో ఉంచాలి. మూసి ఉన్న గదుల్లో ఉంచకూడదు.

• ఎప్పుడూ నిటారుగా (నిలువుగా) ఉంచాలి.

• స్టవ్, స్విచ్‌బోర్డు వంటి వేడి మూలాల నుంచి కనీసం 1 మీటర్ దూరంలో ఉంచాలి.

• సిలిండర్‌పై భద్రతా మూత సరిగా బిగించి ఉందా, లేదా చూసుకోవాలి.

గ్యాస్ లీక్‌ అవుతుందని అనిపిస్తే

• వెంటనే రెగ్యులేటర్‌ను ఆపివేయాలి.

• ఇంటి కిటికీలు, తలుపులు తెరవాలి.

• ఎలాంటి విద్యుత్ స్విచ్‌లు లేదా అగ్గిపెట్టెలు వెలిగించకూడదు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆరోగ్య బీమా లేదా అత్యవసర నిధి.. ఏది ముఖ్యం

పెర్ఫ్యూమ్ అవసరం లేకుండా చెమట వాసన పోవాలా? ఈ చిట్కాలు ఫాలో అవండి

For More Latest News