డిష్ వాషింగ్ స్పాంజ్‌‌లో బ్యాక్టీరియా..బీ కేర్ ఫుల్

ఇంటర్నెట్ డెస్క్: ప్రతి ఇంట్లో గిన్నెలు, పాత్రలు కడగడానికి స్పాంజ్‌లు, స్క్రబ్బర్‌లు ఉపయోగిస్తారు. కానీ చాలా మంది నెలల పాటు ఒకే స్పాంజ్‌ను ఉపయోగిస్తారు. అయితే, ఇది చిన్న తప్పుగా అనిపించినా నిజానికి ఆరోగ్యానికి పెద్ద సమస్యగా అవుతుంది. స్పాంజ్‌ను ఎన్ని రోజులకి మార్చాలో, ఎక్కువ ఉపయోగించడం వల్ల ఏ వ్యాధులు రావచ్చో తెలుసుకుందాం..

డిష్ వాషింగ్ స్పాంజ్ చిన్నదిగా కనిపించినా, అది బ్యాక్టీరియాకు నిలయం. స్పాంజ్‌లలో తేమ ఎక్కువగా ఉంటుంది, ఆహార కణాలు చిన్న రంధ్రాల్లో చిక్కుకుని ఉండటం వల్ల, బ్యాక్టీరియా పెరిగే అవకాశం ఉంది. కొన్ని సందర్భాల్లో, స్పాంజ్‌లో టాయిలెట్ సీటు కంటే ఎక్కువ బ్యాక్టీరియా ఉంటుంది. ఈ బ్యాక్టీరియా విరేచనాలు, వాంతులు, కడుపు నొప్పి, పేగు ఇన్ఫెక్షన్లుకు కారణం అవుతుంది.

డిష్ వాషింగ్ స్పాంజ్‌ను ఎప్పుడు మార్చాలి?

నిపుణుల సూచన ప్రకారం ప్రతి 7–10 రోజులకు ఒకసారి స్పాంజ్ మార్చాలి. మీరు ప్రతిరోజూ చాలా పాత్రలు కడిగితే, ప్రతి 7 రోజులకు మార్చడం మంచిది. అరుదుగా ఉపయోగించినా, 2 వారాలు కంటే ఎక్కువ ఉంచకూడదు. స్టీల్ లేదా సిలికాన్ స్క్రబ్బర్‌లు 1–2 నెలలు పనిచేస్తాయి.

ప్రతి 2–3 రోజులకు స్పాంజ్‌ను గోరువెచ్చని నీరు, వెనిగర్‌లో 5–10 నిమిషాలు నానబెట్టడం మంచిది. అలాగే, స్పాంజ్‌ను పొడి ప్రదేశంలో నిల్వ చేయాలి. స్పాంజ్ కంటే సిలికాన్ బ్రష్‌లు, స్టీల్ స్క్రబ్బర్‌లు మంచివి. అవి ఎక్కువ కాలం ఉపయోగపడతాయి, అంతేకాకుండా శుభ్రం చేయడం సులభమవుతుంది.