పాలు పొంగిపోకుండా ఉండాలంటే ఇలా చేయండి

ఇంటర్నెట్ డెస్క్: పాలు మరిగిస్తున్నప్పుడు కాసేపు అజాగ్రత్తగా ఉంటే చాలు.. అవి పొంగి స్టవ్‌పై పడతాయి. దీంతో స్టవ్‌ శుభ్రం చేయడానికి అదనపు సమయం కూడా వెచ్చించాల్సి వస్తుంది. అయితే కొన్ని సులభమైన కిచెన్ చిట్కాలను పాటిస్తే పాలు పొంగిపోకుండా సులభంగా నివారించవచ్చు.

నీరు పోయండి

పాలు పోసే ముందు గిన్నెలో కొద్దిగా నీరు పోసి, తర్వాత పాలు వేడి చేయండి. ఇలా చేస్తే పాలు త్వరగా అడుగు పట్టకుండా, పొంగిపోవడం కూడా తగ్గుతుంది.

వెన్న రాయండి

పాలు మరిగించే పాత్ర అంచుల చుట్టూ కొద్దిగా వెన్న లేదా నెయ్యి రాస్తే, పాలు పైకి ఎగసి వచ్చినా బయటకు పొంగకుండా ఉండే అవకాశం ఉంటుంది.

నీళ్లు చల్లండి

పాలు పొంగబోతున్నట్లు కనిపించిన వెంటనే కొద్దిగా చల్లని నీళ్లు చల్లితే, పైకి వచ్చే నురుగు తగ్గి పొంగిపోవడం ఆగుతుంది.

చెక్క గరిటె పెట్టండి

పాలు మరిగించే సమయంలో గిన్నెపై అడ్డంగా ఒక చెక్క గరిటె ఉంచండి. ఇది పాలు ఒక్కసారిగా పొంగిపోకుండా సహాయపడుతుంది.

మంటను తగ్గించండి

పాలు వేడి చేసేటప్పుడు ఎక్కువ మంట కాకుండా మధ్యస్థ లేదా తక్కువ మంటపై ఉంచడం మంచిది. దీంతో పాలు నెమ్మదిగా మరిగి పొంగిపోవడం తగ్గుతుంది.

పాలను నిర్లక్ష్యం చేయొద్దు

ఎంత బిజీగా ఉన్నా పాలు మరిగిస్తున్నప్పుడు అప్పుడప్పుడు గమనించడం మంచిది. చిన్న జాగ్రత్త తీసుకుంటే స్టవ్ శుభ్రం చేసే అదనపు పని తప్పుతుంది. ఈ చిన్న చిట్కాలు పాటిస్తే పాలు పొంగిపోవడం తగ్గి, వంటగది కూడా శుభ్రంగా ఉంటుంది.

Also Read:

సక్సెస్ కోసం సంతకం ఇలా చేయండి!

ఎలక్ట్రిక్ కారుతో సుదూర ప్రయాణం? ఈ జాగ్రత్తలు తప్పనిసరి

ఎంతటి జ్ఞానవంతుడైనా ఈ తప్పులు చేస్తే కష్టాలు తప్పవు