ఉదయం Vs సాయంత్రం వ్యాయామం.. గుండె ఆరోగ్యానికి బెస్ట్ టైమ్ ఏది?

ఇంటర్నెట్ డెస్క్: మన ఆరోగ్యాన్ని కాపాడుకోవడంలో వ్యాయామం చాలా ముఖ్యమైనది. చాలామంది సమయం దొరికినప్పుడు వ్యాయామం చేస్తుంటారు. కానీ తాజా పరిశోధనల ప్రకారం, ఎంతసేపు వ్యాయామం చేస్తున్నామన్నదానికంటే, ఎప్పుడు చేస్తున్నామన్నదే ఆరోగ్యంపై ఎక్కువ ప్రభావం చూపుతుంది. ముఖ్యంగా ఉదయం వ్యాయామం గుండె ఆరోగ్యానికి ఎంతో మేలు చేస్తుందని నిపుణులు చెబుతున్నారు.

ఒక అధ్యయనంలో ఉదయం వ్యాయామం చేసే వారికి గుండె సంబంధిత వ్యాధులు వచ్చే ప్రమాదం తక్కువగా ఉందని తెలిసింది. ముఖ్యంగా ఉదయం 7 నుంచి 8 గంటల మధ్య వ్యాయామం చేయడం అత్యుత్తమమని పరిశోధకులు సూచిస్తున్నారు. ఈ అధ్యయనం ప్రకారం, ఉదయం వ్యాయామం చేసే వారికి కనిపించిన ప్రయోజనాలు ఇలా ఉన్నాయి:

• ఊబకాయం వచ్చే ప్రమాదం 35% తగ్గుతుంది.

• గుండె జబ్బులు వచ్చే ప్రమాదం 31% తగ్గుతుంది.

• టైప్ 2 డయాబెటిస్ వచ్చే అవకాశం 30% తగ్గుతుంది.

• అధిక కొలెస్ట్రాల్ ప్రభావం 21% తగ్గుతుంది.

• హై బ్లడ్ ప్రెషర్ వచ్చే అవకాశం 18% తగ్గుతుంది.

ఉదయం వ్యాయామం ఎందుకు మంచిది?

మన శరీరంలో ఒక సహజ జీవ గడియారం (బయోలాజికల్ క్లాక్) ఉంటుంది. ఉదయం సమయంలో ఇన్సులిన్ సెన్సిటివిటీ ఎక్కువగా ఉంటుంది. అలాగే కార్టిసాల్ వంటి హార్మోన్లు శరీరాన్ని చురుకుగా ఉంచడానికి సహాయపడతాయి. మరొక ముఖ్యమైన విషయం ఏమిటంటే, ఉదయం సాధారణంగా మనం ఖాళీ కడుపుతో వ్యాయామం చేస్తాం. అప్పుడు శరీరం శక్తి కోసం నిల్వ ఉన్న కొవ్వును ఉపయోగించడం ప్రారంభిస్తుంది. దీని వల్ల కొవ్వు త్వరగా కరుగుతుంది.

నిపుణుల సూచనలు

రోజులో ఏ సమయంలోనైనా వ్యాయామం చేయడం చాలా ముఖ్యం. కానీ అదనపు ఆరోగ్య ప్రయోజనాలు పొందాలనుకుంటే ఉదయం వ్యాయామం చేయడం మంచిదని నిపుణులు అంటున్నారు. అయితే, ఉదయం సమయంలో వ్యాయామం చేయలేకపోతే ఆందోళన అవసరం లేదు. సాయంత్రం సమయంలో అయినా క్రమం తప్పకుండా వ్యాయామం చేయడం కూడా ఆరోగ్యానికి మేలు చేస్తుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Health News