జేఈఈ అడ్వాన్స్‌డ్-2026 ఫలితాలు విడుదల..

ఇంటర్నెట్ డెస్క్: జేఈఈ అడ్వాన్స్‌డ్-2026 ఫలితాలు ఆదివారం రాత్రి విడుదలయ్యాయి. ఇండియన్ ఇన్‌స్టిట్యూట్ ఆఫ్ టెక్నాలజీ రూర్కీ (ఐఐటీ రూర్కీ) పరీక్ష ఫలితాలను ప్రకటించింది. విద్యార్థులు jeeadv.ac.in అధికారిక వెబ్‌సైట్‌లో తమ ఫలితాలను చూసుకోవచ్చని ఐఐటీ రూర్కీ తెలిపింది. ఈ ఏడాది శుభమ్ కుమార్ 360 మార్కులకు గాను 330 సాధించి టాపర్‌గా నిలిచారు. కబర్ చిల్లర్-329, జతిన్ చాహర్-319 మార్కులతో వరుసగా రెండు, మూడు స్థానాలను కైవసం చేసుకున్నారు.

మే 17న నిర్వహించిన పరీక్షలకు మెుత్తం 1,87,389 మంది విద్యార్థులు నమోదు చేసుకోగా.. 1,79,694 మంది పేపర్ 1, 2 పరీక్షలకు హాజరయ్యారు. ఈ పరీక్షలో 56,880 మంది అర్హత సాధించగా.. వారిలో 10,107 మంది విద్యార్థినులు ఉన్నారు. అర్హత సాధించిన విద్యార్థులంతా JoSAA 2026 కౌన్సెలింగ్ ప్రక్రియకు హాజరుకావాలని ఐఐటీ రూర్కీ తెలిపింది.

ఫలితాలు ఎలా చూసుకోవాలంటే..

• జేఈఈ jeeadv.ac.in అధికారిక వెబ్‌సైట్‌ను సందర్శించండి

• స్కోర్‌కార్డ్ కోసం 'ప్రకటనలు' విభాగం కింద ఉన్న లింక్‌పై క్లిక్ చేయండి

• మీ అప్లికేషన్ నంబర్, డేట్ ఆఫ్ బర్త్‌ని నమోదు చేయండి

• మీ ఫలితం, ర్యాంక్ వివరాలు కనిపిస్తాయి

• భవిష్యత్తు ఉపయోగం కోసం స్కోర్‌కార్డ్‌ను డౌన్‌లోడ్ చేసుకోండి

ఈ వార్తలు కూడా చదవండి

మండల పాయింట్లకు పాఠ్యపుస్తకాలు

ఎంబీబీఎస్ కోర్సు వ్యవధిపై ఎన్‌ఎంసీ కీలక ప్రతిపాదన