ఇస్రోలో కెరీర్‌ ప్రారంభించే అవకాశం.. పరీక్ష లేకుండానే ఉద్యోగం

ఇంటర్నెట్ డెస్క్: భారత అంతరిక్ష పరిశోధనా సంస్థ (ISRO)లో శిక్షణ పొందాలనుకునే యువతకు మంచి అవకాశం వచ్చింది. ఇస్రోకు చెందిన విక్రమ్ సారాభాయ్ స్పేస్ సెంటర్ (VSSC) 2026-27 సంవత్సరానికి అప్రెంటిస్‌ కోసం నోటిఫికేషన్ విడుదల చేసింది. గ్రాడ్యుయేట్ అప్రెంటిస్‌, టెక్నీషియన్ అప్రెంటిస్‌ పోస్టుల భర్తీకి అర్హులైన అభ్యర్థుల నుంచి దరఖాస్తులను ఆహ్వానిస్తోంది. ఈ అప్రెంటిస్‌ శిక్షణ ద్వారా అభ్యర్థులు అంతరిక్ష పరిశోధన రంగంలో సాంకేతిక అనుభవాన్ని పొందే అవకాశం ఉంటుంది.

మొత్తం ఖాళీలు: 460

గ్రాడ్యుయేట్ అప్రెంటిస్‌ ట్రైనీ పోస్టులు: 273

• ఏరోనాటికల్‌/ఏరోస్పేస్‌ ఇంజినీరింగ్‌ - 15

• కెమికల్‌ ఇంజినీరింగ్‌ - 10

• సివిల్‌ ఇంజినీరింగ్‌ - 12

• కంప్యూటర్‌ సైన్స్‌ ఇంజినీరింగ్‌ - 20

• ఎలక్ట్రికల్‌ ఇంజినీరింగ్‌ - 12

• ఎలక్ట్రానిక్స్‌ ఇంజినీరింగ్‌ - 43

• మెకానికల్‌ ఇంజినీరింగ్‌ - 45

• మెటలర్జీ - 6

• ప్రొడక్షన్‌ ఇంజినీరింగ్‌ - 4

• ఫైర్‌ అండ్‌ సేఫ్టీ - 2

• హోటల్‌ మేనేజ్‌మెంట్‌ - 4

• నాన్‌ ఇంజినీరింగ్‌ గ్రాడ్యుయేట్స్‌ - 10

టెక్నీషియన్ అప్రెంటిస్‌ పోస్టులు: 187

• ఆటోమొబైల్‌ ఇంజినీరింగ్‌ - 8

• కెమికల్‌ ఇంజినీరింగ్‌ - 25

• సివిల్‌ ఇంజినీరింగ్‌ - 8

• కంప్యూటర్‌ సైన్స్‌ ఇంజినీరింగ్‌ - 15

• ఎలక్ట్రికల్‌ ఇంజినీరింగ్‌ - 10

• ఎలక్ట్రానిక్స్‌ ఇంజినీరింగ్‌ - 40

• ఇన్‌స్ట్రుమెంటేషన్‌ టెక్నాలజీ - 6

• మెకానికల్‌ - 50

• డిప్లొమా ఇన్‌ కమర్షియల్‌ ప్రాక్టీస్‌ - 25

అర్హతలు

అభ్యర్థులు పోస్టులను బట్టి గుర్తింపు పొందిన యూనివర్సిటీ లేదా బోర్డు నుంచి:

• బీఈ/బీటెక్‌

• ఇంజినీరింగ్‌ డిప్లొమా

• నాన్‌ ఇంజినీరింగ్‌ డిగ్రీ

• హోటల్‌ మేనేజ్‌మెంట్‌/కేటరింగ్‌ టెక్నాలజీ

• డిప్లొమా ఇన్‌ కమర్షియల్‌ ప్రాక్టీస్‌

వంటి కోర్సులు పూర్తి చేసి ఉండాలి.

వీళ్లు అర్హులు కాదు

కింది అభ్యర్థులు దరఖాస్తు చేసుకోవడానికి అర్హులు కాదు:

• ఏప్రిల్‌ 2022కు ముందే డిగ్రీ లేదా డిప్లొమా పూర్తి చేసిన వారు

• ప్రస్తుతం చివరి సంవత్సరం చదువుతున్న వారు

• ఫలితాల కోసం ఎదురుచూస్తున్న వారు

• ఎంటెక్‌ చదువుతున్న వారు

• డిగ్రీ పూర్తి చేసి 5 సంవత్సరాలు దాటిన వారు

• ఇప్పటికే అప్రెంటిస్‌ శిక్షణ పొందిన వారు

వయోపరిమితి

2026 జులై 31 నాటికి:

• గ్రాడ్యుయేట్‌ అప్రెంటిస్‌ (ఇంజినీరింగ్‌/నాన్‌ ఇంజినీరింగ్‌): 28 నుంచి 33 ఏళ్లు

• టెక్నీషియన్‌ అప్రెంటిస్‌ (ఇంజినీరింగ్‌ డిప్లొమా): 30 నుంచి 35 ఏళ్లు

• కమర్షియల్‌ ప్రాక్టీస్‌ టెక్నీషియన్‌ అప్రెంటిస్‌: 26 నుంచి 31 ఏళ్లు

• దివ్యాంగ అభ్యర్థులకు నిబంధనల ప్రకారం వయో సడలింపు ఉంటుంది.

ఎంపిక విధానం

• ఈ అప్రెంటిస్‌ పోస్టులకు ఎలాంటి రాత పరీక్ష లేదా ఇంటర్వ్యూ ఉండదు. అభ్యర్థులను మెరిట్‌ మార్కుల ఆధారంగా ఎంపిక చేస్తారు.

• బోర్డ్‌ ఆఫ్‌ అప్రెంటిస్‌షిప్‌ ట్రైనింగ్‌ పరిధిలోకి వచ్చే ఆంధ్రప్రదేశ్‌, తెలంగాణ, కేరళ, తమిళనాడు, కర్ణాటక, పుదుచ్చేరి రాష్ట్రాల అభ్యర్థులకు ప్రాధాన్యత ఉంటుంది.

శిక్షణ కాలం, స్టైపెండ్

• శిక్షణ వ్యవధి: 1 సంవత్సరం

• గ్రాడ్యుయేట్‌ అప్రెంటిస్‌కు నెలకు: రూ.12,300

• టెక్నీషియన్‌ అప్రెంటిస్‌కు నెలకు: రూ.10,900

దరఖాస్తు విధానం

• ఈ పోస్టులకు ఆన్‌లైన్‌ లేదా పోస్టు ద్వారా దరఖాస్తు చేసే అవకాశం లేదు. కేవలం వాక్‌-ఇన్‌ సెలక్షన్‌ డ్రైవ్‌ ద్వారా మాత్రమే ఎంపిక జరుగుతుంది.

• అభ్యర్థులు అవసరమైన ధ్రువపత్రాలతో నిర్ణీత తేదీన హాజరు కావాలి.

అవసరమైన ధ్రువపత్రాలు

• డిగ్రీ/డిప్లొమా సర్టిఫికెట్లు

• సెమిస్టర్‌ వారీ మార్కుల జాబితా

• ఎస్‌ఎస్‌సీ మెమో

• కుల ధ్రువీకరణ పత్రం (వర్తిస్తే)

వాక్‌-ఇన్‌ సెలక్షన్‌ వేదిక

కార్తీక తిరునాళ్‌ గవర్నమెంట్ వీ అండ్‌ జీహెచ్‌ఎస్‌ఎస్‌ ఫర్‌ గర్ల్స్‌, మణకాడు, తిరువనంతపురం జిల్లా, కేరళలో ఏర్పాటు చేసిన వీఎస్‌ఎస్‌సీ పెవిలియన్‌ను సందర్శించాలి.

వాక్‌-ఇన్‌ సెలక్షన్‌ తేదీ, సమయం

• జులై 25, 2026

• ఉదయం 9.30 గంటల నుంచి సాయంత్రం 5 గంటల వరకు

ఇస్రోలో కెరీర్‌ ప్రారంభించాలనుకునే యువతకు ఈ అప్రెంటిస్‌ శిక్షణ మంచి అవకాశం కానుంది.