CPCBలో సైంటిస్ట్ ఉద్యోగాలు.. వెంటనే అప్లై చేయండి

ఇంటర్నెట్ డెస్క్: కేంద్ర కాలుష్య నియంత్రణ మండలి (CPCB) వివిధ విభాగాల్లో ఖాళీగా ఉన్న 51 పోస్టులను భర్తీ చేయడానికి నోటిఫికేషన్ విడుదల చేసింది. ఈ నియామకాలను కాంట్రాక్ట్ ప్రాతిపదికన చేపట్టనున్నారు. అర్హత, ఆసక్తి ఉన్న అభ్యర్థులు సెప్టెంబర్‌ 7, 2026లోపు ఆన్‌లైన్‌లో దరఖాస్తు చేసుకోవచ్చు. ఈ రిక్రూట్‌మెంట్‌లో సైంటిస్ట్, సైంటిఫిక్ అసిస్టెంట్, అసిస్టెంట్ మేనేజర్, అడ్మినిస్ట్రేటివ్ అసిస్టెంట్, టాక్సోనోమిస్ట్, డేటా ఎంట్రీ ఆపరేటర్, ఫీల్డ్ అసిస్టెంట్ తదితర పోస్టులు ఉన్నాయి. పోస్టును బట్టి నెలకు రూ.38,741 నుంచి రూ.1,71,597 వరకు వేతనం లభిస్తుంది.

మొత్తం ఖాళీలు 51

CPCB భర్తీ చేయనున్న పోస్టుల వివరాలు ఇలా ఉన్నాయి:

• సైంటిస్ట్ - B: 12 పోస్టులు

• సైంటిస్ట్ - C: 8 పోస్టులు

• సైంటిస్ట్ - D: 1 పోస్టు

• సైంటిఫిక్ అసిస్టెంట్: 13 పోస్టులు

• అసిస్టెంట్ మేనేజర్ (ఫైనాన్స్): 3 పోస్టులు

• అడ్మినిస్ట్రేటివ్ అసిస్టెంట్: 1 పోస్టు

• టాక్సోనోమిస్ట్: 1 పోస్టు

• డేటా ఎంట్రీ ఆపరేటర్: 4 పోస్టులు

• ఫీల్డ్ అసిస్టెంట్: 8 పోస్టులు

• మొత్తం: 51 పోస్టులు

విద్యార్హతలు

పోస్టును బట్టి విద్యార్హతలు మారుతాయి. సంబంధిత పోస్టులకు ఇంటర్మీడియట్, బ్యాచిలర్ డిగ్రీ, ఎంఎస్సీ లేదా ఇతర మాస్టర్స్ డిగ్రీ పూర్తి చేసిన వారు దరఖాస్తు చేసుకోవచ్చు. కొన్ని సైంటిస్ట్ పోస్టులకు విద్యార్హతతో పాటు GATE లేదా NET స్కోర్, సంబంధిత పని అనుభవం వంటి అదనపు అర్హతలు కూడా అవసరం. కాబట్టి అభ్యర్థులు దరఖాస్తు చేసే ముందు సంబంధిత పోస్టుకు నిర్దేశించిన అర్హతలను అధికారిక నోటిఫికేషన్‌లో పరిశీలించాలి.

వయోపరిమితి

పోస్టును బట్టి గరిష్ఠ వయోపరిమితి వేర్వేరుగా ఉంటుంది.

• సైంటిస్ట్ పోస్టులు: 35 నుంచి 50 సంవత్సరాలు

• డేటా ఎంట్రీ ఆపరేటర్: గరిష్ఠంగా 32 సంవత్సరాలు

• ఫీల్డ్ అసిస్టెంట్: గరిష్ఠంగా 27 సంవత్సరాలు

• ఇతర పోస్టులు: గరిష్ఠంగా 35 సంవత్సరాలు

వయోపరిమితిని నిర్ణయించే తేదీ, వయో సడలింపులు తదితర వివరాలను అధికారిక నోటిఫికేషన్ ప్రకారం పరిగణించాలి.

పోస్టును బట్టి భారీ జీతం

ఈ నియామకంలో సైంటిస్ట్ పోస్టులకు ఎంపికైన వారికి అత్యధిక వేతనం లభిస్తుంది.

• సైంటిస్ట్: నెలకు రూ.1,25,380 నుంచి రూ.1,71,597

• అసిస్టెంట్ మేనేజర్ (ఫైనాన్స్): రూ.1,19,272

• అడ్మినిస్ట్రేటివ్ అసిస్టెంట్: రూ.77,654

• సైంటిఫిక్ అసిస్టెంట్: రూ.77,654

• టాక్సోనోమిస్ట్: రూ.65,031

• డేటా ఎంట్రీ ఆపరేటర్: రూ.57,498

• ఫీల్డ్ అసిస్టెంట్: రూ.38,741

దరఖాస్తు ఫీజు లేదు

ఈ పోస్టులకు దరఖాస్తు చేసుకునే అభ్యర్థులు ఎలాంటి అప్లికేషన్ ఫీజు చెల్లించాల్సిన అవసరం లేదు. అంటే అర్హత ఉన్న అభ్యర్థులు ఉచితంగానే దరఖాస్తు చేసుకోవచ్చు.

ఎంపిక ఎలా ఉంటుంది?

అభ్యర్థుల ఎంపిక ప్రధానంగా ఇంటర్వ్యూ ఆధారంగా జరుగుతుంది. అయితే దరఖాస్తులు ఎక్కువ సంఖ్యలో వస్తే రాత పరీక్ష నిర్వహించే అవకాశం కూడా ఉందని నోటిఫికేషన్‌లో పేర్కొన్నారు. ఎంపికైన అభ్యర్థులను లఖ్‌నవూ, కోల్‌కతా, చండీగఢ్, దిల్లీ వంటి ప్రాంతాల్లో పనిచేయడానికి నియమించే అవకాశం ఉంది. అభ్యర్థి పనితీరు, సంస్థ అవసరాలను బట్టి కాంట్రాక్ట్ వ్యవధిని పొడిగించే అవకాశం ఉంటుంది.

ముఖ్యమైన తేదీలు

• ఆన్‌లైన్ దరఖాస్తుల ప్రారంభం: ఆగస్టు 24, 2026

• దరఖాస్తుకు చివరి తేదీ: సెప్టెంబర్ 7, 2026

ఎలా దరఖాస్తు చేయాలి?

అర్హత కలిగిన అభ్యర్థులు CPCB అధికారిక వెబ్‌సైట్ ద్వారా ఆన్‌లైన్‌లో అప్లై చేయాలి. దరఖాస్తు చేసే ముందు పోస్టుల వారీగా విద్యార్హతలు, వయోపరిమితి, అనుభవం, ఎంపిక విధానం వంటి వివరాలను అధికారిక నోటిఫికేషన్‌లో పూర్తిగా పరిశీలించడం మంచిది.

Also Read:

డబ్బు విషయంలో ఈ తప్పులు చేస్తే ఆర్థిక ఇబ్బందులు తప్పవు!

పిల్లలతో బీచ్ వెకేషన్‌కు ప్లాన్ చేస్తున్నారా? ఈ ప్రాంతాలే బెస్ట్!