వినాయక చవితి 2026.. చంద్రుడిని ఎందుకు చూడకూడదు? ఈ పురాణ కథ తెలుసా?

ఇంటర్నెట్ డెస్క్: వినాయక చవితి రోజున గణపతిని భక్తిశ్రద్ధలతో పూజిస్తారు. అయితే ఈ రోజున చంద్రుడిని చూడకూడదనే ఒక పురాతన మత విశ్వాసం కూడా ఉంది. భాద్రపద శుక్ల పక్ష చతుర్థి రోజున చంద్రుడిని చూస్తే తప్పుడు ఆరోపణలు, అపవాదులు ఎదుర్కోవాల్సి వస్తుందని నమ్ముతారు. అందుకే ఈ రోజును ‘కలంక చతుర్థి’ అని కూడా పిలుస్తారు. ఈ నమ్మకం వెనుక గణేశుడు, చంద్రదేవుడికి సంబంధించిన ఒక ఆసక్తికరమైన పురాణ కథ ఉంది.

పురాణ కథనం ప్రకారం.. ఒకసారి గణేశుడు తనకు ఎంతో ఇష్టమైన మోదకాలను తింటున్నాడు. గణేశుడి రూపాన్ని చూసిన చంద్రదేవుడు నవ్వాడట. చంద్రుడు తన అందం, తేజస్సుపై గర్వంతో గణేశుడిని ఎగతాళి చేశాడని పురాణాల్లో కథ ఉంది. దీంతో ఆగ్రహించిన గణేశుడు చంద్రుడిని శపించాడని నమ్ముతారు. చంద్రుడి అందం, తేజస్సు తగ్గిపోవాలని శపించడంతో పాటు.. భాద్రపద శుక్ల పక్ష చతుర్థి రోజున చంద్రుడిని చూసిన వారికి తప్పుడు ఆరోపణలు, అపవాదులు వస్తాయని చెప్పాడట. అప్పటి నుంచి ఆ రోజున చంద్రుడిని చూడకూడదనే సంప్రదాయం ఏర్పడిందని పురాణ కథనం.

అనుకోకుండా చంద్రుడిని చూస్తే ఏం చేయాలి?

మత విశ్వాసాల ప్రకారం.. వినాయక చవితి రోజున అనుకోకుండా చంద్రుడిని చూసినా భయపడాల్సిన అవసరం లేదు. అలా చంద్రుడిని చూసిన వారు వెంటనే వినాయకుడిని మనసారా తలుచుకుని, శ్యామంతక మణి కథను చదవడం లేదా వినడం ఆనవాయితీగా వస్తోందని చెబుతారు.

Note: ఇందులోని సమాచారం మత విశ్వాసాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఈ 4 రాశులపై వినాయకుడి కటాక్షం.. కెరీర్, వ్యాపారంలో ఇక విజయాలే!

రేసింగ్‌ ట్రాక్‌పై విజయ్–అజిత్‌ ఆత్మీయ కలయిక.. టీవీకే రాజకీయ లాభం కోసమేనా?