తొలి ఏకాదశి ఎప్పుడు.. ఏం చేయాలి.. ఏం చేయకూడదు

ఇంటర్నెట్ డెస్క్: ఏడాదిలో ఏకాదశి తిథులకు ఎంతో ప్రాముఖ్యత ఉంది. మరీ ముఖ్యంగా ఆషాఢ మాసంలో వచ్చే ఏకాదశి (తొలి ఏకాదశి)కి ఎంతో విశిష్టత ఉంది. ఈ పండగ నుంచే తెలుగు వారికి ముఖ్యమైన పండగలు ప్రారంభమవుతాయని శాస్త్రం చెబుతోంది. ఆషాఢ మాసంలో శుక్ల పక్షంలో వచ్చే ఏకాదశి తిథిని తొలి ఏకాదశి లేదా శయన ఏకాదశి అంటారు. దక్షిణాయానం ప్రారంభమైన తర్వాత వచ్చే ఏకాదశి కాబట్టి ఈ పండగను తొలి ఏకాదశి అని పేర్కొంటారు. ఈ ఏడాది తొలి ఏకాదశి.. జులై 25వ తేదీ శనివారం వచ్చింది.

తొలి ఏకాదశి తిథి..

• తిథి ప్రారంభం: జులై 24 శుక్రవారం ఉదయం 10.08 గంటలకు.

• తిథి ముగింపు: జులై 25 శనివారం ఉదయం 11.54 గంటలకు.

అయితే తొలి ఏకాదశి ఘడియలు శుక్రవారం ఉదయం 10 గంటల తర్వాత ప్రారంభమవుతుంది. కానీ సూర్యోదయం వేళ.. ఏ తిథి ఉంటే దానిని పరిగణలోకి తీసుకుంటారు. దాంతో తొలి ఏకాదశి శనివారంగా పరిగణిస్తారు. ఇక ఈ రోజు.. పెద్దలకు బట్టలు పెడితే మంచిది. అంటే.. కొత్త వస్త్రాలు కొనుగోలు చేసి.. వాటిని దేవుని వద్ద ఉంచాలి. పూజ అయిన తర్వాత.. ఆ వస్త్రాలను ఎవరో ఒకరికి దానంగా ఇవ్వాలి. కొన్ని రోజుల తర్వాత అయినా వాటిని పెద్దలకు పెట్టాలి. ఇలా చేయడం వల్ల.. కుటుంబానికి మంచి జరుగుతుందని పెద్దలు చెబుతారు.

ఏం చేయాలంటే..

• ఈ రోజు తెల్లవారుజామున నిద్ర లేచి తలస్నానం చేసి పసుపు, రంగు దుస్తులు ధరించాలి.

• శ్రీమహావిష్ణువు, శ్రీలక్ష్మీ దేవిని పూజించాలి.

• ఉపవాసం పాటిస్తే మంచిది.

• ధనం, ధాన్యం, వస్త్రాలు దానంగా ఇవ్వాలి.

• శ్రీహరికి నైవేద్యంలో.. పూజలో తులసి ఆకులు తప్పనిసరిగా ఉంచాలి.

ఏం చేయకూడదంటే..

• తామసిక ఆహారాన్ని తిన వద్దు.

• పెద్దలు, స్త్రీలను అవమానించవద్దు.

• ఈ రోజు బ్రహ్మచర్యం పాటించాలి.

• తులసి ఆకులను మొక్క నుంచి తెంప వద్దు.

• ఉపవాసం ఉన్న వ్యక్తి.. ఇతరుల పట్ల చెడు ఆలోచనలు చేయకూడదు.

• ఈ రోజు స్త్రీలు తలస్నానం చేయకూడదు.

• గోళ్లు, వెంట్రుకలు కత్తిరించకూడదు.

• మద్యం, మాంసాలకు దూరంగా ఉండాలి.

గమనిక: ఈ కథనం ఇంటర్నెట్‌లో అందుబాటులో ఉన్న నివేదికలు, సమాచారం ఆధారంగా రూపొందించబడింది. దీనితో ఆంధ్రజ్యోతిని ఎలాంటి సంబంధం లేదు. దీనికి ఏబీఎన్ ఆంధ్రజ్యోతి ఏ విధంగానూ బాధ్యత వహించదు.