టాటా ఏఐఏ లైఫ్ ఇన్సూరెన్స్ నుంచి రెండు కొత్త వాల్యూ-బేస్డ్ ఫండ్స్

ఆంధ్రజ్యోతి, ఫిబ్రవరి 9: ప్రముఖ బీమా సంస్థ టాటా ఏఐఏ లైఫ్ ఇన్సూరెన్స్ మార్కెట్లోకి రెండు కొత్త ఇన్వెస్ట్‌మెంట్ ఫండ్లను ప్రవేశపెట్టింది. ఇవి ప్రధానంగా వాల్యూ-బేస్డ్ ఈక్విటీ ఇన్వెస్టింగ్(Value-based Equity Investing)వ్యూహంతో పనిచేస్తాయి. స్టాక్ మార్కెట్ ఒడుదొడుకుల్లో గరిష్ఠ స్థాయిల్లో ఉన్నప్పుడు కూడా స్థిరమైన లాభాలను ఆశించే పెట్టుబడిదారుల కోసం ఈ ఫండ్లను రూపొందించారు.

ప్రవేశపెట్టిన కొత్త ఫండ్లు:

1. టాటా ఏఐఏ లైఫ్ ఎన్‌హాన్స్‌డ్ వాల్యూ ఇండెక్స్ ఫండ్ (Enhanced Value Index Fund): ఇది సంపద సృష్టి, పిల్లల చదువుల ప్రణాళిక వంటి దీర్ఘకాలిక ఆర్థిక లక్ష్యాల కోసం ఉద్దేశించబడింది.

2. ఎన్‌హాన్స్‌డ్ వాల్యూ ఇండెక్స్ పెన్షన్ ఫండ్ (Enhanced Value Index Pension Fund): దీనిని ప్రత్యేకంగా రిటైర్మెంట్ కార్పస్‌ను నిర్మించుకుంటూనే, కుటుంబానికి ఆర్థిక భద్రతను అందించడానికి రూపొందించారు.

ముఖ్యమైన వివరాలు:

NFO గడువు: ఈ రెండు ఫండ్ల న్యూ ఫండ్ ఆఫర్ (NFO)ఫిబ్రవరి 9 నుంచి ఫిబ్రవరి 16 వరకు అందుబాటులో ఉంటుంది.

ప్రారంభ ధర: ఫిబ్రవరి 16న జారీ చేసే పాలసీలకు రూ. 10 NAV (NAV Asset Value)వర్తిస్తుంది.

నిర్వహణలోని ఆస్తులు (AUM): 2025 డిసెంబర్ 31 నాటికి టాటా ఏఐఏ రూ.1,45,256 కోట్ల ఆస్తులను నిర్వహిస్తోంది. ఇది ఏడాది ప్రాతిపదికన 21 శాతం వృద్ధిని సూచిస్తోంది.

తక్కువ ధరలో ప్రారంభం: ఈ రెండు ఫండ్లు కూడా న్యూ ఫండ్ ఆఫర్(NFO) సమయంలో యూనిట్‌కు కేవలం రూ.10 ప్రారంభ ధరతో అందుబాటులో ఉన్నాయి.

ULIP ప్రయోజనాలు: ఇవి టాటా ఏఐఏ యూనిట్ లింక్డ్ ఇన్సూరెన్స్ ప్లాన్స్(ULIP) ద్వారా అందుబాటులో ఉంటాయి. దీనివల్ల పెట్టుబడితో పాటు బీమా రక్షణ(Life Cover) కూడా లభిస్తుంది.

పన్ను ప్రయోజనాలు: ఆదాయపు పన్ను చట్టంలోని సెక్షన్ 80C, 10(10D) ప్రకారం పన్ను మినహాయింపు పొందే అవకాశం ఉంటుంది.

ఎవరు పెట్టుబడి పెట్టవచ్చు?:

• దీర్ఘకాలికంగా (5-10 ఏళ్లు లేదా అంతకంటే ఎక్కువ) సంపదను సృష్టించుకోవాలనుకునే వారు.

• మార్కెట్ ఒడుదొడుకులను ఎదుర్కొంటూ, నాణ్యమైన కంపెనీలలో పెట్టుబడి పెట్టాలనుకునే వారు.

• పెట్టుబడితో పాటు కుటుంబానికి ఆర్థిక రక్షణ (Insurance) కూడా కోరుకునే వారు.

ఈ ఫండ్ల ప్రత్యేకతలు, వాటి వ్యూహం:

ఇండెక్స్ ట్రాకింగ్: ఈ రెండు ఫండ్లు BSE 500 Enhanced Value 50 Customised Indexను అనుసరిస్తాయి.

ఎంపిక విధానం: BSE(బాంబే స్టాక్ ఎక్సేంజీలో లిస్ట్ అయిన)500 జాబితాలోని లార్జ్, మిడ్, ఇంకా స్మాల్-క్యాప్ కంపెనీల నుంచి బుక్ వాల్యూ, ఆదాయం, అమ్మకాల వంటి కొలమానాల ఆధారంగా అత్యుత్తమ 50 కంపెనీలను ఎంచుకొని వాటిలో పెట్టుబడి పెడతారు.

పెట్టుబడి కేటాయింపు: ఈ ఫండ్లు 70 శాతం నుంచి 100 శాతం వరకు ఈక్విటీలలో, 0 శాతం నుంచి 30 శాతం వరకు నగదు లేదా మనీ మార్కెట్ సాధనాలలో పెట్టుబడి పెడతారు.

రిస్క్ మేనేజ్‌మెంట్: ప్రాథమికంగా బలంగా ఉండి, సరైన ధరలో లభిస్తున్న కంపెనీలపై దృష్టి పెట్టడం ద్వారా వృద్ధి, రిస్క్ మధ్య సమతుల్యతను సాధించడం ఈ ఫండ్ల లక్ష్యం.

పెట్టుబడిదారులకు కలిగే ప్రయోజనం: టాటా ఏఐఏ చీఫ్ ఇన్వెస్ట్‌మెంట్ ఆఫీసర్ హర్షద్ పాటిల్ తెలిపిన వివరాల ప్రకారం.. ఈ ఫండ్లు స్టాక్ సెలక్షన్, మార్కెట్ టైమింగ్‌తో సంబంధం లేకుండా, ఒక క్రమబద్ధమైన, పారదర్శకమైన విధానంలో దీర్ఘకాలిక ఈక్విటీ పెట్టుబడులను సులభతరం చేస్తాయి. ఇవి ఈక్విటీ మార్కెట్ ఎక్స్‌పోజర్‌తో పాటు లైఫ్ ఇన్సూరెన్స్ రక్షణను కూడా కల్పిస్తాయి.

గమనిక: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ఇది కేవలం ప్రజల సాధారణ ఆరోగ్య ప్రయోజనాలను దృష్టిలో ఉంచుకుని ఇవ్వడం జరిగింది. ABN ఆంధ్రజ్యోతి దీనిని ధ్రువీకరించడం లేదు.