సామ్‌సంగ్‌కు రిలయన్స్‌ గ్రీన్‌ అమ్మోనియా

డీల్‌ విలువ 300 కోట్ల డాలర్లు

న్యూఢిల్లీ: దక్షిణ కొరియాకు చెందిన సామ్‌సంగ్‌ సీ అండ్‌ టీ కార్పొరేషన్‌కు 15 ఏళ్ల పాటు గ్రీన్‌ అమ్మోనియా సరఫరా చేసేందుకు ఒప్పందం కుదుర్చుకున్నట్టు రిలయన్స్‌ ఇండస్ట్రీస్‌ (ఆర్‌ఐఎల్‌) ప్రకటించింది. ఈ డీల్‌ విలువ 300 కోట్ల డాలర్ల (సుమారు రూ.27,600 కోట్లు) వరకు ఉంటుందని తెలిపింది. 2028-29 ఆర్థిక సంవత్సరం రెండో అర్థ భాగం నుంచి రిలయన్స్‌ ఇండస్ట్రీస్‌ ఈ గ్రీన్‌ అమ్మోనియాను సామ్‌సంగ్‌కు సరఫరా చేయనుంది. పునరుత్పాదక ఇంధన వనరుల ద్వారా రిలయన్స్‌ ఈ గ్రీన్‌ అమ్మోనియాను ఉత్పత్తి చేయనుంది. ఈ గ్రీన్‌ అమ్మోనియాను ఎరువుగా, ఇండస్ట్రియల్‌ కెమికల్‌గా లేదా విద్యుత్‌ ఉత్పత్తి, నౌకా రవాణాలో ఇంధనంగానూ ఉపయోగించవచ్చు. దీర్ఘకాలిక గ్రీన్‌ అమ్మోనియా సరఫరా కోసం ప్రపంచంలో కుదిరిన అతిపెద్ద ఒప్పందం ఇదేనని ఆర్‌ఐఎల్‌ తెలిపింది.

ఈ వార్తలు కూడా చదవండి..

మొయినాబాద్‌ డ్రగ్స్ కేసు.. కఠిన చర్యలు తప్పవు: ఈగల్‌ ఎస్పీ గిరిధర్‌

రేవంత్‌రెడ్డి జూనియర్ యోగిలా మారారు.. హరీశ్‌రావు సెటైర్లు

ఫామ్ హౌస్‌లో డ్రగ్స్ పార్టీ గుట్టురట్టు.. 11 మంది అరెస్ట్

Read Latest Telangana News And AP News And International News And Telugu News