Single Premium Policy: జనవరి 12 నుంచి LIC సింగిల్ ప్రీమియం పాలసీ.. జీవన్ ఉత్సవ్
ABN , Publish Date - Jan 06 , 2026 | 06:11 PM
లైఫ్ ఇన్సూరెన్స్ కార్పొరేషన్ ఆఫ్ ఇండియా(LIC) కొత్త సింగిల్ ప్రీమియం ప్లాన్ తీసుకొచ్చింది. ఇది జనవరి 12, 2026 నుంచి అందుబాటులోకి వస్తుందని తెలిపింది. మార్చి 2, 2026 వరకు ఈ పాలసీ గురించి ప్రత్యేక క్యాంపెయిన్ నిర్వహిస్తున్నట్లు పేర్కొంది.
ఆంధ్రజ్యోతి, జనవరి 6: ప్రభుత్వరంగ ప్రముఖ జీవిత బీమా సంస్థ లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) 2026 జనవరి 12 నుంచి ఒక కొత్త స్కీమ్ను ప్రవేశపెడుతోంది. ఈ పాలసీ పేరు ఎల్ఐసీ జీవన్ ఉత్సవ్ సింగిల్ ప్రీమియం. ఇది నాన్-లింక్డ్(మార్కెట్తో సంబంధం లేని), నాన్-పార్టిసిపేటింగ్, ఇండివెజ్యువల్ సేవింగ్స్, హోల్ లైఫ్ ఇన్సూరెన్స్ ప్లాన్. ఒక్కసారి ప్రీమియం చెల్లించి జీవితాంతం ఇన్సూరెన్స్ కవరేజ్, సేవింగ్స్ బెనిఫిట్స్ పొందవచ్చు.
పాలసీ ముఖ్య ఫీచర్లు, బెనిఫిట్స్:
సింగిల్ ప్రీమియం.. ఒకేసారి ప్రీమియం చెల్లించడం వల్ల భవిష్యత్తులో ఇన్స్టాల్మెంట్ల భారం లేదు.
హోల్ లైఫ్ కవరేజ్.. పాలసీదారుడి మరణం తర్వాత కుటుంబానికి గణనీయమైన డెత్ బెనిఫిట్ (సమ్ అష్యూర్డ్ + గ్యారంటీడ్ అడిషన్స్).
సేవింగ్స్ కాంపోనెంట్.. గ్యారంటీడ్ రిటర్న్స్తో దీర్ఘకాలిక ఆర్థిక భద్రత. మునుపటి జీవన్ ఉత్సవ్ ప్లాన్లాగే రెగ్యులర్ ఇన్కమ్ లేదా ఫ్లెక్సి ఇన్కమ్ ఆప్షన్ ఉండవచ్చు.
ట్యాక్స్ బెనిఫిట్స్.. సెక్షన్ 80సి కింద ప్రీమియం మినహాయింపు, సెక్షన్ 10(10డి) కింద మెచ్యూరిటీ/డెత్ బెనిఫిట్స్ ట్యాక్స్ ఫ్రీ (చట్టం ప్రకారం).
గ్యారంటీడ్ బెనిఫిట్స్: మార్కెట్ ప్రభావం లేకుండా ఫిక్స్డ్ రిటర్న్స్, బోనస్ లేదు కానీ సురక్షితం.
లోన్ సౌకర్యం: పాలసీపై లోన్ తీసుకోవచ్చు (నిబంధనలు వర్తిస్తాయి).
ఈ ప్లాన్ దీర్ఘకాలిక ఆర్థిక భద్రత కోరుకునే వారికి, ముఖ్యంగా ఒక్కసారి ఇన్వెస్ట్మెంట్ చేసి రిలాక్స్ అవ్వాలనుకునే వారికి అనువైనది. ఇతర వివరాలు (ఎలిజిబిలిటీ, ప్రీమియం రేట్స్, ఎగ్జాక్ట్ బెనిఫిట్స్) ఎల్ఐసీ అధికారిక వెబ్సైట్ లేదా బ్రాంచ్లో తెలుసుకోవచ్చు.
గమనిక: ఇన్వెస్ట్మెంట్ చేసే ముందు ఫైనాన్షియల్ అడ్వైజర్ను సంప్రదించడం మంచిది.
ఇవి కూడా చదవండి..
ఉత్తరప్రదేశ్లో 2.89 కోట్ల మంది ఓటర్ల తొలగింపు
తొక్కిసలాట మరణాలపై విజయ్కు సీబీఐ సమన్లు
మరిన్ని జాతీయ, అంతర్జాతీయ వార్తల కోసం క్లిక్ చేయండి
