క్రూడ్‌ సెంచరీ

• 100 డాలర్లకు ముడి చమురు ధర

• మే 26 తర్వాత మళ్లీ ఇదే మొదటిసారి

• పశ్చిమాసియాలో ఉద్రిక్తతలే కారణం

• ఈనెలలో బ్రెంట్‌ క్రూడ్‌ 36ు జంప్‌

న్యూయార్క్‌: బ్రెంట్‌ క్రూడాయిల్‌ ఫ్యూచర్స్‌ కాంట్రాక్ట్‌ (జూలైలో డెలివరీ) ధర ఒక దశలో 6 శాతానికి పైగా ఎగబాకి 100 డాలర్లు దాటింది. ఈ మే నెల 26 తర్వాత బ్రెంట్‌ చమురు 100 డాలర్లకు చేరడం ఇదే మొదటిసారి. యూఎస్‌ వెస్ట్‌ టెక్సాస్‌ ఇంటర్మీడియేట్‌ ఫ్యూచర్స్‌ కాంట్రాక్ట్‌ రేటు సైతం 5 శాతానికి పైగా పెరుగుదలతో 91.08 డాలర్లకు చేరుకుంది. ఎర్ర సముద్రంలో ట్యాంకర్లపై హౌతీలు పెద్దఎత్తున దాడులకు పాల్పడినట్లు వార్తలు రావడంతోపాటు ఇరాన్‌పై ఇక విరుచుకుపడతామని అమెరికా హెచ్చరించడం ఇందుకు ప్రధాన కారణం. ఈ నెలలో బ్రెంట్‌ క్రూడ్‌ ఫ్యూచర్స్‌ కాంట్రాక్టుల రేటు 36 శాతం, వెస్ట్‌ టెక్సాస్‌ క్రూడ్‌ రేటు 30 శాతం ఎగబాకాయి. ఈ రెండింటికీ గడిచిన దశాబ్దకాలంలో ఇది మూడో అతిపెద్ద నెలవారీ పెరుగుదల.

ఈ వార్తలనూ చదవండి:

ఇన్‌స్టా స్టోరీలో 'కాక్రోచ్' పోస్ట్.. వివాదంలో ఆర్ఏఎఫ్ ఆఫీసర్ సోనియా!

ప్రధాని నివాసం ముందు కాంగ్రెస్ నిరసన.. వాంగ్‌చుక్ భార్య విమర్శలు