Chandrababu-Pawan: పవన్ నివాసానికి సీఎం చంద్రబాబు

హైదరాబాద్, సెప్టెంబర్ 28: ముఖ్యమంత్రి చంద్రబాబు నాయుడు, ఏపీ డిప్యూటీ సీఎం పవన్ కళ్యాణ్‌ను పరామర్శించారు. ఆరోగ్య పరిస్థితిని అడిగి తెలుసుకున్నారు. అమరావతి నుంచి ఈ మధ్యాహ్నం(ఆదివారం) హైదరాబాద్‌లోని పవన్ నివాసానికి వచ్చిన ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ నివాసానికి వెళ్లారు. ఈ సందర్భంగా ముఖ్యమంత్రిని పవన్ సాదరంగా ఇంట్లోకి ఆహ్వానించారు. పవన్ కళ్యాణ్ ను పరామర్శించిన సీఎం, త్వరగా కోలుకోవాలని ఆకాంక్షించారు.

ఇలా ఉండగా, పవన్ కళ్యాణ్ గత కొద్ది రోజులుగా తీవ్రమైన వైరల్ ఫీవర్‌తో బాధపడుతున్న సంగతి తెలసిందే. రెండు రోజుల పాటు జ్వరం దగ్గక పోవడంతో పవన్ కళ్యాణ్ హైదరాబాద్ లోని నివాసానికి వచ్చి చికిత్స పొందుతున్నారు.