TGPSC: టీజీపీఎస్సీ గ్రూప్-3 పోస్టులకు ఎంపికైన అభ్యర్థుల జాబితా విడుదల

హైదరాబాద్, డిసెంబర్ 18: తెలంగాణలో 1,370 గ్రూప్ 3 పోస్టులకు ఎంపికైన అభ్యర్థుల జాబితాను టీజీపీఎస్సీ గురువారం విడుదల చేసింది. ఎంపికైన అభ్యర్థులతో ప్రొవిజినల్ నోటిఫికేషన్‌ను తన వెబ్‌సైట్‌లో టీజీపీఎస్సీ అందుబాటులో ఉంచింది. గతంలో జనరల్ ర్యాంకింగ్స్, మెరిట్ జాబితాలను అధికారులు విడుదల చేశారు. వెబ్ ఆప్షన్లు నమోదు అనంతరం అభ్యర్థులకు సర్టిఫికెట్ల పరిశీలన ప్రక్రియ పూర్తైంది. తాజాగా ఈ ఉద్యోగులకు ఎంపికైన వారి జాబితాను వెబ్‌సైట్‌లో ఉంచారు.

ఉద్యోగాలకు ఎంపికైన అభ్యర్థుల హాల్‌టికెట్ నెంబర్లు, ఎంపికైన పోస్టు కోడ్, ప్రాంతం వివరాలను ఈ జాబితాలో పొందుపరిచారు. మొత్తం 1388 గ్రూప్ 3 పోస్టులు ఖాళీగా ఉండగా.. ప్రస్తుతం 1370 పోస్టులకు మాత్రమే అభ్యర్థుల ఎంపిక జాబితాు విడుదల చేశారు. గతేడాది నవంబర్‌లో ఈ గ్రూప్ 3 పరీక్ష నిర్వహించారు. రాష్ట్రవ్యాప్తంగా దాదాపు 2.67 లక్షల మంది అభ్యర్థులు ఈ పరీక్ష రాసిన సంగతి తెలిసిందే.