Hyderabad: నగరంలో నేడు విద్యుత్ ఉండని ప్రాంతాలివే...
ABN , Publish Date - Nov 20 , 2025 | 06:45 AM
గ్రేటర్ హైదరాబాద్ పరిధిలోని ఆయా ఏరియాల్లో గురువారం విద్యుత్ సరఫరాను నిలిపివేస్తున్నట్టు విద్యుత్ శాఖాధికారులు తెలిపారు. మరమ్మతుల కారణంగా ఆయా సబ్ స్టేషన్ల పరిధిలోని పలు ప్రాంతాల్లో విద్యుత్ సరఫరాలో అంతరాయం ఉంటుందని తెలిపారు. వినియోగదారులు ఈ విషయాన్ని గమనించాలని సూచించారు.
పంజాగుట్ట(హైదరాబాద్): మరమ్మతుల కారణంగా గ్రీన్ ల్యాండ్స్ ఏడీఈ పరిధిలోని పలు ప్రాంతాల్లో గురువారం విద్యుత్ సరఫరాలో అంతరాయం ఉంటుందని ఏడీఈ వంశీకృష్ణ తెలిపారు. ఉదయం 8 నుంచి మధ్యాహ్నం 12 గంటల వరకు 11కేవీ ఎస్ఆర్టీ నగర్, బంజారా నగర్, స్వరాజ్ నగర్ ఫీడర్ల పరిధిలోని పలు ప్రాంతాల్లో, ఉదయం 10 నుంచి మధ్యాహ్నం 1 గంట వరకు 11కేవీ ఆర్బీఐ ఫీడర్ పరిధిలోని పలు ప్రాంతాల్లో, మధ్యాహ్నం 2 నుంచి సాయంత్రం 5 గంటల వరకు 11కేవీ మహాత్మా నగర్, హిందూ ఫీడర్ల పరిధిలోని పలు ప్రాంతాల్లో కరెంట్ సరఫరా ఉండదని పేర్కొన్నారు.
అల్లాపూర్: చెట్ల కొమ్మల తొలగింపు పనుల కారణంగా నేడు అల్లాపూర్ డివిజన్లోని పలు ప్రాంతాల్లో విద్యుత్ సరఫరాకు అంతరాయం ఉంటుందని ఏఈ రాకేష్ గౌడ్ తెలిపారు. 11 కేవీ పద్మావతి నగర్ ఫీడర్ బోరబండ ఎస్ఎస్ పరిధిలోని జేకే పాయింట్ హోటల్ సమీప ప్రాంతం, రాణా ప్రతాప్ నగర్ ప్రాంతం, రాధాకృష్ణ సొసైటీ, థామస్ స్కూల్ వద్ద, శివబస్తీ ఏరియా, కొత్తూరి సీతయ్య నగర్, దర్గా ఏరియా, అల్లాపూర్ ప్రాంతాల్లో ఉదయం 10:30 గంటల నుంచి మధ్యాహ్నం 2 వరకు విద్యుత్ ఉండదన్నారు.
బాలాజీనగర్ సెక్షన్ పరిధిలో..
కేపీహెచ్బీకాలనీ: టీజీఎస్పీడీసీఎల్ బాలాజీనగర్ సెక్షన్ పరిధిలో చెట్ల కొమ్మల తొలగింపు కోసం గురువారం పలు ప్రాంతాల్లో కరెంట్ సరఫరా నిలిపివేస్తున్నట్లు ఏఈ భీమాలింగప్ప ఓ ప్రకటనలో తెలిపారు. ఉదయం 10 గంటల నుంచి మధ్యాహ్నం ఒంటి గంట వరకు రాందేవ్రావు హాస్పిటల్, ఆకార్ ఆషా హాస్పిటల్, శివానంద రిహాబిలిటేషన్ సెంటర్, బిగ్ సీ మొబైల్స్, కళ్యాణ్ జ్యువెలర్స్, విజేత సూపర్ మార్కెట్ ప్రాంతాలు. అలాగే మధ్యాహ్నం 2 గంటల నుంచి సాయంత్రం 5 వరకు మూసాపేట్ వార్డు ఆఫీస్, గూడ్షెడ్ రోడ్డు, యాదవ బస్తీ, అంబేడ్కర్నగర్, ఎస్పీ నగర్, జేపీ నగర్ పరిసర ప్రాంతాల్లో విద్యుత్ సరఫరా ఉండదన్నారు.
నేడు విద్యుత్ ఉండని ప్రాంతాలు ..
చిక్కడపల్లి: ఆజామాబాద్ డివిజన్, హైదరాబాద్ సిటీ 1 పరిధిలో గురువారం విద్యుత్ సరఫరా ఉండదని ఏడీఈలు నాగేశ్వరరావు, వినోద్కుమార్ తెలిపారు. రామాలయం, ఎల్ఎన్నగర్, ప్రివెంటివ్ మెడిసిన్, అంజయ్యభవన్, భోలక్పూర్, గోశాల, ఈనాడు, గాంధీనగర్ 11కేవీ విద్యుత్ ఫీడర్ల పరిధిలో ఉదయం 10గంటల నుంచి మధ్యాహ్నం 1 గంట వరకు, సాయిబాబా టెంపుల్, శంకర్మఠ్, నారాయణగూడ, తాళ్ళబస్తీ పరిధిలోని ప్రాంతాల్లో మధ్యాహ్నం 2 గంటల నుంచి సాయంత్రం 5గంటల వరకు సరఫరా ఉండదన్నారు.
ఈ వార్తలు కూడా చదవండి..
బంగారం ధరలు కొంచెం పెరిగాయి.. ఈ రోజు ఎలా ఉన్నాయంటే..
Read Latest Telangana News and National News
