సికింద్రాబాద్ పద్మారావునగర్లో ‘గిరి’ షోరూం
ABN , Publish Date - Feb 20 , 2025 | 05:21 AM
ఆధ్యాత్మిక, సాంస్కృతిక ఉత్పత్తులకు మూలాధారమైన ‘గిరి’ ట్రేడింగ్ ఏజెన్సీ ప్రైవేట్ లిమిటెడ్ సంస్థ తన షోరూంను సికింద్రాబాద్లో ఏర్పాటు చేసింది.
అందుబాటులో ఆధ్యాత్మిక, సాంస్కృతిక ఉత్పత్తులు
హైదరాబాద్, ఫిబ్రవరి 19 (ఆంధ్రజ్యోతి): ఆధ్యాత్మిక, సాంస్కృతిక ఉత్పత్తులకు మూలాధారమైన ‘గిరి’ ట్రేడింగ్ ఏజెన్సీ ప్రైవేట్ లిమిటెడ్ సంస్థ తన షోరూంను సికింద్రాబాద్లో ఏర్పాటు చేసింది. పద్మారావునగర్లోని సర్దార్ పటేల్ కళాశాల ఎదురుగా ఏర్పాటైన ఈ షోరూంను ఇటీవల హైదరాబాద్లోని రామకృష్ణ మఠానికి చెందిన స్వామి పూజానంద లాంఛనంగా ప్రారంభించారు.
హైదరాబాద్లో ఈ సంస్థకు ఇది 3వ షోరూం కావడం విశేషం. ఈ సందర్భంగా సంస్థ సేల్స్ హెడ్ అమర్ గిరీష్ మాట్లాడుతూ, భక్తుల ఆధ్యాత్మిక, సాంస్కృతిక అవసరాలను తీర్చడంతో పాటు నాణ్యమైన ప్రామాణిక ఉత్పత్తులను వారికి చేరువ చేయడమే తమ సంస్థ లక్ష్యమని అన్నారు. షోరూం ప్రారంభోత్సవం సందర్భంగా ప్రత్యేక రాయితీలు కల్పించనునట్లు వివరించారు.
