కాంట్రాక్టు అధ్యాపకులను క్రమబద్ధీకరించాలి

• ఇందిరాపార్కు వద్ద మహాధర్నా

కవాడిగూడ, ఏప్రిల్‌ 16 (ఆంధ్రజ్యోతి): రాష్ట్రంలో 12 విశ్వవిద్యాలయాల్లో పనిచేస్తున్న కాంట్రాక్టు అసిస్టెంట్‌ ప్రొఫెసర్లను వెంటనే క్రమబద్దీకరించాలని,, ఆతర్వాతే వర్సిటీల్లో నియామకాలు చేపట్టాలని రాష్ట్రంలోని 12 విశ్వవిద్యాలయాల్లో పనిచేస్తున్న కాంట్రాక్టు అసిస్టెంట్‌ ప్రొఫెసర్లు డిమాండ్‌ చేశారు. ఈ మేరకు వారి ఆధ్వర్యంలో ఇందిరాపార్కు వద్ద బుధవారం మహాధర్నా జరిగింది. ఈ మహాధర్నాకు పలువురు ప్రముఖులు విచ్చేసి.. వారికి మద్దతు ప్రకటించారు. కార్యక్రమానికి విచ్చేసిన ప్రొఫెసర్‌ హరగోపాల్‌ మాట్లాడుతూ విశ్వవిద్యాలయాల్లో అధ్యాపకులుగా ఉండే గౌరవాన్ని కాంట్రాక్టు వ్యవస్థ నిర్వీర్యం చేసిందన్నారు. ప్రపంచబ్యాంకు విధించిన షరతుల మేరకు కాంట్రాక్టు వ్యవస్థను ప్రవేశపెట్టారని చెప్పారు. 15-20 ఏళ్లుగా పనిచేస్తున్న కాంట్రాక్టు ఉద్యోగులను క్రమబద్ధీకరించాలని డిమాండ్‌ చేశారు.

ఎంపీ ఆర్‌ కృష్ణయ్య మాట్లాడుతూ రాష్ట్రంలో 12 వర్సిటీల్లో పనిచేస్తున్న దాదాపు 1200 కాంట్రాక్టు అధ్యాపకులు 15-20 ఏళ్లుగా పనిచేస్తున్నారని.. ఎలాంటి షరతులు లేకుండా అందరినీ క్రమబద్ధీకరించాలని డిమాండ్‌ చేశారు. కాంట్రాక్టు అధ్యాపకుల సమస్యలు పరిష్కరించడంలో పాలకులు విఫలమయ్యారని సీపీఐ రాష్ట్ర కార్యదర్శి ఎమ్మెల్యే కూన ం నేని సాంబశివరావు ఆరోపించారు. కార్యక్రమంలో బీజేపీ ఎమ్మెల్సీ అంజిరెడ్డి, ఎమ్మెల్సీ మదుసుధనాచారి, సీపీఎంరాష్ట్ర కార్యవర్గ సభ్యులు డీజే నర్సింగ్‌రావు, టీపీసీసీ కార్యదర్శి హర్షవర్దన్‌రెడ్డి, బీసీ సంక్షేమ సంఘం జాతీయ అద్యక్షుడు జాజుల శ్రీనివా్‌సగౌడ్‌, పీవోడబ్ల్యూ అధ్యక్షురాలు సంధ్య తదితరులు పాల్గొని ప్రసంగించారు.