US Open 2025: జ్వెరెవ్ అవుట్
ABN , Publish Date - Sep 01 , 2025 | 02:32 AM
యూఎస్ ఓపెన్లో మూడో సీడ్ అలెగ్జాండర్ జ్వెరెవ్కు మూడో రౌండ్లో చుక్కెదురైంది. ఆదివారం జరిగిన ఉత్కంఠ పోరులో జ్వెరెవ్ (జర్మనీ) 6-4, 6-7 (7/9), 4-6, 4-6తో 25వ సీడ్ ఫిలిక్స్ అలియసిమ్ (కెనడా) చేతిలో ఓడాడు....
ప్రీక్వార్టర్స్కు సినర్, స్వియటెక్
యూఎస్ ఓపెన్
న్యూయార్క్: యూఎస్ ఓపెన్లో మూడో సీడ్ అలెగ్జాండర్ జ్వెరెవ్కు మూడో రౌండ్లో చుక్కెదురైంది. ఆదివారం జరిగిన ఉత్కంఠ పోరులో జ్వెరెవ్ (జర్మనీ) 6-4, 6-7 (7/9), 4-6, 4-6తో 25వ సీడ్ ఫిలిక్స్ అలియసిమ్ (కెనడా) చేతిలో ఓడాడు. 2018 తర్వాత జ్వెరెవ్ నాలుగో రౌండ్కు చేరకపోవడం ఇదే తొలిసారి. ఇక ఆదివారం తెల్లవారుజామున ముగిసిన మూడో రౌండ్లో వరల్డ్ నెంబర్ వన్ యానిక్ సినర్ 5-7, 6-4, 6-3, 6-3తో షపోవలోవ్పై గెలిచి ప్రీక్వార్టర్స్ చేరాడు. మరో మ్యాచ్లో రుబ్లెవ్ 2-6, 6-4, 6-3, 4-6, 6-3తో కొలెమాన్ వాంగ్పై పోరాడి గెలిచాడు. మహిళల సింగిల్స్ మూడో రౌండ్లో రెండో సీడ్ స్వియటెక్ 7-6, 6-4తో అన్నా కలిన్స్కయపై, నాలుగో సీడ్ జెస్సికా పెగుల 6-1, 6-1తో ఆన్ లీపై, 8వ సీడ్ ఎనిమిసోవా 6-4, 4-6, 6-2తో క్రిస్టియాన్పై గెలిచి ప్రీక్వార్టర్స్లో ప్రవేశించారు.
రెండో రౌండ్లో యుకీ జోడీ: పురుషుల డబుల్స్లో భారత ఆటగాళ్లకు మిశ్రమ ఫలితాలు లభించాయి. తొలిరౌండ్లో రోహన్ బోపన్న/అర్నెడో జంట ఓడగా.. యుకీ భాంబ్రీ/మైకేల్ వీనస్ జంట ప్రత్యర్థిని ఓడించింది.
ఇవి కూడా చదవండి
మరో స్కామ్ అలర్ట్.. మీ డబ్బు, ఫోన్ను ఇలా కాపాడుకోండి
సెప్టెంబర్ 2025లో బ్యాంక్ సెలవుల పూర్తి లిస్ట్..
మరిన్ని జాతీయ, తెలుగు వార్తల కోసం క్లిక్ చేయండి
