Asia Cup Hockey 2025: గ్రూప్‌ టాపర్‌ భారత్‌

• 15-0తో కజకిస్థాన్‌పై ఘన విజయం

• సూపర్‌-4కు చైనా, మలేసియా, కొరియా

• ఆసియా కప్‌ హాకీ

రాజ్‌గిర్‌ (బిహార్‌): ఆసియా కప్‌ హాకీలో గ్రూప్‌ దశను భారత్‌ ఘనంగా ముగించింది. ఈపాటికే సూపర్‌-4 బెర్త్‌ను ఖరారు చేసుకొన్న భారత్‌.. పూల్‌-ఎలో సోమవారం ఏకపక్షంగా సాగిన ఆఖరి లీగ్‌ మ్యాచ్‌లో 15-0తో కజకిస్థాన్‌ను చిత్తు చేసింది. అభిషేక్‌ 4 గోల్స్‌తో అదరగొట్టగా, సుఖ్‌జీత్‌, జుగ్‌రాజ్‌ చెరో 3 గోల్స్‌ నమోదు చేశారు. ఆడిన మూడు మ్యాచ్‌ల్లోనూ గెలిచిన భారత్‌ 9 పాయింట్లతో గ్రూప్‌ టాపర్‌గా నిలిచింది. ఇదే గ్రూప్‌లో చైనా, జపాన్‌ మధ్య మ్యాచ్‌ 2-2తో డ్రా అయింది. ఇరుజట్లూ చెరో 4 పాయింట్లతో సమంగా నిలిచినా.. మెరుగైన గోల్స్‌ తేడాతో చైనా రెండో స్థానంతో సూపర్‌-4కు చేరింది. పూల్‌-బి నుంచి మలేసియా, కొరియా సూపర్‌-4లో ప్రవేశించాయి. సోమవారం జరిగిన తమ ఆఖరి మ్యాచ్‌లో మలేసియా 15-0తో చైనీస్‌ తైపీపై, కొరియా 5-1తో బంగ్లాదేశ్‌పై గెలిచాయి. 9 పాయింట్లతో మలేసియా గ్రూప్‌-బి టాపర్‌గా నిలవగా.. రెండు మ్యాచ్‌లు గెలిచిన కొరియా 6 పాయింట్లతో రెండో స్థానం దక్కించుకొంది. బుధవారం నుంచి రౌండ్‌ రాబిన్‌ లీగ్‌ పద్ధతిలో జరిగే సూపర్‌-4 తొలి మ్యాచ్‌లో కొరియాతో భారత్‌ తలపడనుంది.

ఇవి కూడా చదవండి

మరో స్కామ్‌ అలర్ట్.. మీ డబ్బు, ఫోన్‌ను ఇలా కాపాడుకోండి

సెప్టెంబర్ 2025లో బ్యాంక్ సెలవుల పూర్తి లిస్ట్..

మరిన్ని జాతీయ, తెలుగు వార్తల కోసం క్లిక్ చేయండి