Elephant vs lions: షాకింగ్.. ఏనుగును చూసిన సింహాల గుంపు ఏం చేసిందంటే..

ABN , Publish Date - Nov 01 , 2025 | 04:31 PM

అడవికి రారాజు సింహం (Lion) అనుకుంటాం. సింహం తలచుకుంటే అడవిలోని ఏ జంతువునైనా చంపగలదని నమ్ముతాం. సింహాన్ని చూసి అడవిలోని మిగతా జంతువులన్నీ భయపడతాయనుకుంటాం. అయితే అప్పుడప్పుడు మన అంచనాలకు విరుద్ధంగా కూడా జరుగుతుంటుంది.

Elephant vs lions: షాకింగ్.. ఏనుగును చూసిన సింహాల గుంపు ఏం చేసిందంటే..

elephant charges lions

సాధారణంగా అడవికి రారాజు సింహం (Lion) అనుకుంటాం. సింహం తలచుకుంటే అడవిలోని ఏ జంతువునైనా చంపగలదని నమ్ముతాం. సింహాన్ని చూసి అడవిలోని మిగతా జంతువులన్నీ భయపడతాయనుకుంటాం. అయితే అప్పుడప్పుడు మన అంచనాలకు విరుద్ధంగా కూడా జరుగుతుంటుంది. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. ఆ వీడియోలో ఏనుగును చూసి సింహాలు పారిపోయాయి (Elephant charges lions).

@AMAZlNGNATURE అనే ఎక్స్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. కొన్ని సింహాలు తమ పిల్లలతో కలిసి ఒక చెట్టు కింద విశ్రాంతి తీసుకుంటున్నాయి (lions under tree). అక్కడికి ఓ భారీ ఏనుగు నెమ్మదిగా నడుచుకుంటూ వస్తోంది. మెల్లిగా ఆ చెట్టు దగ్గరకు చేరుకున్న ఏనుగు.. సింహాలను చూసి పెద్దగా గర్జించింది. దీంతో ఆ చెట్టు కింద ఉన్న సింహాలు భయంతో అక్కడి నుంచి పారిపోయాయి. ఓ ఏనుగును చూసి సింహాలు అలా పారిపోవడం చాలా మందికి షాక్ కలిగిస్తోంది. (unexpected wildlife moment).

ఈ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది (predator vs giant). ఆ వైరల్ వీడియోను ఇప్పటివరకు దాదాపు 4 లక్షల మందికి పైగా వీక్షించారు. దాదాపు 36 వేల మందికి పైగా ఆ వీడియోను లైక్ చేసి తమ స్పందనలను తెలియజేశారు. అడవి రాజుకు ఇప్పుడు భద్రత అవసరమని అనిపిస్తుందని ఒకరు కామెంట్ చేశారు. అడవికి నిజమైన రాజు ఏనుగని మరొకరు పేర్కొన్నారు. సింహాలు తమ శక్తిని తెలుసుకోలేవని మరొకరు కామెంట్ చేశారు.