KumbhMela: వీళ్ల రూటే సెపరేటు.. కుంభమేళా ట్రాఫిక్ జామ్‌కు ఈ యువకులు ఎలా చెక్ పెట్టారంటే..

పవిత్ర సంగమ స్థానంలో స్నానం చేయడానికి దేశం నలుమూలల నుంచి కోట్లాది మంది ప్రయాగ్‌రాజ్‌కు చేరుకుంటున్నారు. దీంతో ప్రయాగ్‌రాజ్ రూట్ మొత్తం ట్రాఫిక్ జామ్‌తో నిండిపోతోంది. 50 కిలోమీటర్ల మేర వాహనాలు రోడ్ల మీదనే ఆగిపోతున్నాయి (Maha Kumbh). ప్రయాగ్‌రాజ్ (Prayagraj) నగరం మొత్తం కిక్కిరిసిపోయింది. అయినప్పటికీ, ప్రజల భక్తి ఈ ట్రాఫిక్ జామ్‌లన్నింటినీ దాటి ముందుకు నడుస్తోంది. అనేక కిలోమీటర్లు నడిచిన తర్వాత సంగమంలో స్నానం చేస్తున్నప్పుడు, వారి అలసట అంతా ఒక్క క్షణంలో మాయమవుతోంది. మహా కుంభమేళాలో స్నానం చేయడానికి ప్రజలు ఏదో విధంగా ప్రయాణిస్తూ ప్రయాగ్‌రాజ్ చేరుకుంటున్నారు (MahaKumbh Traffic Jam).

ట్రాఫిక్ జామ్‌లు, రద్దీ నుంచి తప్పించుకోవడానికి కొంతమంది యువకులు ప్రయాగ్‌రాజ్‌కు వెళ్లడానికి వేరే మార్గాన్ని ఎంచుకున్నారు. నలుగురు యువకులు రోడ్డు మార్గం వదిలి, నది గుండా పడవలో ప్రయాగ్‌రాజ్ చేరుకున్నారు. వారు బక్సర్ నుంచి 248 కిలోమీటర్ల దూరం మోటార్ పడవలో ప్రయాణించి ప్రయాగ్‌రాజ్ చేరుకుని స్నానం చేశారు. ఆ వీడియోను సోషల్ మీడియాలో షేర్ చేశారు. ``ట్రాఫిక్ జామ్‌తో విసుగు చెంది, నలుగురు స్నేహితులు పడవలో 248 కిలోమీటర్లు ప్రయాణించి మహా కుంభమేళాకు చేరుకుని స్నానం చేశారు`` అని వీడియోకు క్యాప్షన్ ఇచ్చారు.

ఈ వీడియో సోషల్ మీడియాలో విపరీతంగా వైరల్ అవుతోంది. ఈ వీడియోకు ఇప్పటివరకు లక్షలాది వ్యూస్, లైక్స్ వచ్చాయి. వీడియో చూసిన తర్వాత ప్రజలు స్పందనలను తెలియజేశారు. ``ఈ జలమార్గం గుండా ప్రయాణించే పద్ధతి సరైనది, సౌకర్యవంతమైనది`` అని చాలా మంది కామెంట్లు చేశారు. ట్రాఫిక్ జామ్‌ను నివారించడమే కాకుండా, ఈ వ్యక్తులు టోల్ డబ్బును కూడా ఆదా చేశారని కొంతమంది అన్నారు.

ఇవి కూడా చదవండి..

Viral Video: వీళ్లకి నరకంలో కూడా చోటు దొరకదు.. సరస్వతి పూజలో ఎలాంటి డ్యాన్స్ వేస్తున్నారో చూడండి..

Optical Illusion: ఈ ఫొటోలో మీకు గుర్రం కనబడితే.. మీరు సాధారణమైన వ్యక్తి కాదు.. ప్రయత్నించండి..

Online order: రూ.61 వేల విలువైన ల్యాప్‌టాప్ ఆర్డర్ చేశాడు.. పార్సిల్ ఓపెన్ చేసి చూసి నివ్వెరపోయాడు..

మరిన్ని ప్రత్యేక వార్తలు కోసం క్లిక్ చేయండి..