Dog: పెంపుడు కుక్కే కదా అని ఇలా చేస్తున్నారా.. ఈ వ్యాధులు గ్యారెంటీ..

పెంపుడు కుక్కలను ప్రేమగా చూసుకోవడంలో ఎలాంటి తప్పులేదు. కానీ, అది అతి ప్రేమ మాత్రం కాకూడదు. ఎందుకంటే పెంపుడు కుక్కలతోనూ మనం జాగ్రత్తగా ఉండాలి. ముఖ్యంగా చిన్నారులను కుక్కలు నాకడం, గీరడం లాంటివి ఎక్కువగా చేస్తుంటాయి. చాలా మంది తమ పెంపుడు కుక్కను తమ ముఖాన్ని నాకడానికి అనుమతిస్తారు.. ఇది కుక్కకు దాని యజమాని పట్ల ఉన్న ప్రేమే అయినప్పటికీ ఇది ప్రమాదకరం.

కుక్క లాలాజలంలో క్యాప్నోసైటోఫాగా అనే బ్యాక్టీరియా ఉంటుంది. కుక్క కరిచినప్పుడు ఆ బ్యాక్టీరియా మనిషి శరీరంలోకి వెళ్లే అవకాశం ఉంటుంది. కొన్నిసార్లు కుక్క కరవకపోయినా కూడా గాయాలున్న చోట అది నాకితే దాని లాలాజలంలోని బ్యాక్టీరియా మనకు సంక్రమించవచ్చు. ఈ బ్యాక్టీరియా రోగ నిరోధక శక్తి బలహీనంగా ఉన్నవారి మీద తీవ్ర ప్రభావం చూపిస్తుంది. ఇది మన ఆరోగ్యానికి హానికరం.. ఈ కథనంలో కుక్క నాకడం వల్ల కలిగే అనర్థాల గురించి ఇప్పుడు తెలుసుకుందాం.

కుక్క ముఖాన్ని నాకడం వల్ల కలిగే ప్రమాదాలు

రేబిస్: ఇది చాలా ప్రమాదకరమైన వ్యాధి, ఇది జంతువుల నుండి మానవులకు సంక్రమిస్తుంది. కుక్కలు మన ముఖాలను నాకడం ద్వారా ఇది మానవులకు వ్యాపిస్తుంది. రేబిస్ వ్యాక్సిన్ భారతదేశం అంతటా అందుబాటులో ఉన్నప్పటికీ, ఈ వ్యాధి నుండి మనల్ని మనం రక్షించుకోవడం చాలా ముఖ్యం.

పాశ్చురెల్లా మల్టోసిడా: పాశ్చురెల్లా మల్టోసిడా అనేది ఒక రకమైన బ్యాక్టీరియా సంక్రమణ. ఈ బ్యాక్టీరియా కుక్క లాలాజలంలో ఉంటుంది. ఈ బ్యాక్టీరియా మానవులకు మెనింజైటిస్ వంటి చాలా ప్రమాదకరమైన వ్యాధులను కలిగిస్తుంది.

స్టెఫిలోకాకస్: స్టెఫిలోకాకస్ కూడా మానవులకు సంక్రమించే ఒక రకమైన బ్యాక్టీరియా. ఈ స్టెఫిలోకాకస్ కుక్కల చర్మంపై నివసిస్తుంది. ఈ బ్యాక్టీరియా మానవులకు వ్యాపిస్తుంది. చిన్న గాయాలను కూడా తీవ్రమైన సమస్యలుగా మారుస్తుంది.

సాల్మొనెల్లా: సాల్మొనెల్లా కూడా ఒక రకమైన బ్యాక్టీరియా. కుక్కల లాలాజలం ద్వారా ఇవి మనుషులకు వ్యాపిస్తాయి. ఇవి మానవులలో కడుపు సమస్యలను కలిగిస్తాయి.

కుక్క నాకడం వల్ల కలిగే ఇతర సమస్యలు: కుక్కను నాకడం వల్ల మానవులకు అంటు వ్యాధులు మాత్రమే కాకుండా చర్మం చికాకు, అలెర్జీలు, దురద, ఇతర సమస్యలను కూడా కలిగిస్తాయి. అలాగే, కుక్క నోటిలోని బాక్టీరియా దంతాల సమస్యలను తెస్తుంది.