Mother Duck: జలపాతంలో పడిపోయిన పిల్ల బాతు.. తల్లడిల్లిన తల్లి బాతు ఏం చేసిందో తెలిస్తే..

ABN , Publish Date - Jul 16 , 2025 | 12:32 PM

మనషుల్లోనే కాదు.. ఇతర జంతువుల్లో కూడా తల్లి ప్రేమ ఎంతో గొప్పగా ఉంటుంది. కడుపున పుట్టిన బిడ్డ ప్రమాదంలో ఉంటే ఏ జంతువూ వెనకడుగు వేయదు. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. ఆ వీడియోలోని తల్లి బాతును చూస్తే ఎమోషనల్ అవక తప్పదు.

Mother Duck: జలపాతంలో పడిపోయిన పిల్ల బాతు.. తల్లడిల్లిన తల్లి బాతు ఏం చేసిందో తెలిస్తే..

Baby duck fell down from a waterfall

ఈ ప్రపంచంలో అమ్మ (Mother) ప్రేమకు మించింది మరొకటి లేదు. బిడ్డకు ఏదైనా అయితే ఆ తల్లి హృదయం ముక్కలైపోతుంది. తన ప్రాణం అయినా సరే ఇచ్చి బిడ్డను కాపాడుకోవాలని తల్లి భావిస్తుంది. మనషుల్లోనే కాదు.. ఇతర జంతువుల్లో కూడా తల్లి ప్రేమ ఎంతో గొప్పగా ఉంటుంది. కడుపున పుట్టిన బిడ్డ ప్రమాదంలో ఉంటే ఏ జంతువూ వెనకడుగు వేయదు. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. ఆ వీడియోలోని తల్లి బాతు (Mother Duck)ను చూస్తే ఎమోషనల్ అవక తప్పదు.

@Rainmaker1973 అనే ఎక్స్ హ్యాండిల్‌లో ఈ వీడియో (Viral Video) షేర్ అయింది. వైరల్ అవుతున్న ఆ వీడియో ప్రకారం.. ఓ నదిలో ఓ తల్లి బాతు వెనుక పిల్లలు ఈదుకుంటూ వెళ్తున్నాయి. అంతలో వారికి ఓ ఆనకట్ట అడ్డు వచ్చింది. దీంతో తల్లి బాతు రూటు మార్చింది. పిల్లలు కూడా తల్లి వెనుకే తిరిగాయి. అయితే ఓ పిల్ల బాతు మాత్రం అదుపు తప్పి ఆ ఆనకట్టపై నుంచి కింద పడిపోయింది. ఆ పిల్ల బాతును కాసేపు తల్లి బాతు అలాగే చూస్తూ ఉండిపోయింది. సహాయం కోసం చుట్టూ చూసింది. చివరకు చేసేది లేక ఆ తల్లి బాతు కూడా ఆనకట్ట మీద నుంచి కిందకు దూకేసింది.

ఆ తల్లి బాతు వెనుకే మిగిలిన పిల్లలు కూడా ఆనకట్ట పై నుంచి కిందకు దూకేశాయి. తిరిగి అన్నీ కలుసుకుని ఆ నీటిలో ఈదుకుంటూ ముందుకు వెళ్లాయి. అక్కడకు వెళ్లిన పర్యాటకలు ఆ ఘటనను వీడియో తీసి సోషల్ మీడియాలో పోస్ట్ చేశారు. ఆ వీడియో సోషల్ మీడియాలో వైరల్‌గా మారింది. ఈ వైరల్ వీడియోపై నెటిజన్లు తమ స్పందనలను తెలియజేశారు. ఈ ప్రపంచంలోనే అతిపెద్ద యోధురాలు తల్లి అని ఒకరు కామెంట్ చేశారు. పిల్లల బాధను తల్లి కంటే ఎవరూ అర్థం చేసుకోలేరని మరొకరు పేర్కొన్నారు.