skydiver incident: టామ్ క్రూజ్‌ను తలపించాడుగా.. విమానం తోక భాగంలో చిక్కుకున్న స్కై డైవర్..

మిషన్ ఇంపాజిబుల్ సిరీస్ హీరో టామ్ క్రూజ్ చేసే సాహసాలు గొప్ప థ్రిల్లింగ్‌గా ఉంటాయి. వేల అడుగుల ఎత్తులో విమానాలకు వేలాడుతూ టామ్ చేసే సాహసాలకు ప్రపంచవ్యాప్తంగా అభిమానులు ఉన్నారు. తాజాగా ఆస్ట్రేలియాలో ఓ స్కై డవర్ సాహసం చేయబోయి ప్రమాదంలో చిక్కుకున్నాడు. భూమి నుంచి 15 వేల అడుగుల ఎత్తులో ఎగురుతున్న విమానం తోకకు వేలాడుతూ ఉండిపోయాడు. ఈ వీడియో చూస్తుంటేనే ఒళ్లు గగుర్పొడుస్తోంది (15,000 feet skydiving accident).

ఆస్ట్రేలియాలోని దక్షిణ కెయిర్న్స్‌లో సెప్టెంబర్‌లో జరిగిన ఈ ఘటనకు సంబంధించిన వీడియో ప్రస్తుతం సోషల్ మీడియాలో హల్‌చల్ చేస్తోంది. ఆ వీడియోలో కొందరు ఔత్సాహికులు స్కై డైవ్ చేసేందుకు విమానం నుంచి కిందకు దూకుతున్నారు. ఆ సమయంలో ఒక వ్యక్తి పారచూట్ విమానం వెనుక ఉండే తోక భాగానికి చిక్కుకుంది. దీంతో ఆ వ్యక్తి అన్ని వేల అడుగుల ఎత్తులో గాల్లోనే వేలాడుతూ ఉండిపోయాడు. ఆ వీడియో ప్రస్తుతం సోషల్ మీడియాలో చక్కర్లు కొడుతోంది (parachute caught on plane tail).

అనుకోకుండా అంత భారీ ప్రమదానికి గురైన ఆ స్కై డైవర్ సురక్షితంగానే బయటపడినట్టు అధికారులు వెల్లడించారు (skydiving video Australia). ఈ ప్రమాదంలో స్కై డైవర్‌కు ఏమీ కాలేదని తెలిపారు. ఈ ప్రమాదంపై దర్యాఫ్తు చేస్తున్నట్టు కూడా అధికారులు వెల్లడించారు. ఈ వీడియోపై నెటిజన్లు తమదైన శైలిలో కామెంట్లు చేస్తున్నారు. ఆ స్కైడైవర్‌ను చూస్తుంటే టామ్ క్రూజ్ గుర్తుకొస్తున్నాడని చాలా మంది వ్యాఖ్యానించారు.

ఇవి కూడా చదవండి

మోదీ-పుతిన్ సెల్ఫీ.. అమెరికాలో భయాందోళనలు.. ట్రంప్‌పై విమర్శలు..

ఆ ఏరియా వాసులకు బిగ్ అలెర్ట్.. మధ్యాహ్నం 2 నుంచి కరెంట్ కట్