ఖైరతాబాద్ మహా గణపతిని దర్శించి.. పూజించిన సీఎం రేవంత్ రెడ్డి
ABN, Publish Date - Sep 05 , 2025 | 06:43 PM
ఖైరతాబాద్ వినాయకుడిని సీఎం రేవంత్ రెడ్డి శుక్రవారం దర్శించుకున్నారు. ఈ సందర్భంగా స్వామి వారికి ఆయన ప్రత్యేక పూజలు నిర్వహించారు. అనంతరం స్వామికి హారతి ఇచ్చారు. ఆ తర్వాత ఆయన మాట్లాడుతూ.. గతంలో పీసీసీ చీఫ్గా.. ప్రస్తుతం ముఖ్యమంత్రిగా ఈ ఉత్సవాల్లో పాల్గొనడం చాలా సంతోషంగా ఉందన్నారు.
1/10
తెలంగాణ సీఎం రేవంత్ రెడ్డి హైదరాబాద్లోని ఖైరతాబాద్ మహాగణపతిని దర్శించుకున్నారు. అనంతరం స్వామి వారికి సీఎం ప్రత్యేక పూజలు చేసి.. తీర్థ ప్రసాదాలను స్వీకరించారు. ఈ సందర్భంగా స్వామి వారికి హారతి ఇచ్చారు.
2/10
అనంతరం సీఎం రేవంత్ రెడ్డి మాట్లాడారు. 71 ఏళ్ల క్రితం గణేశ్ ఉత్సవ సమితి ఒకే ఒక్క అడుగు గణేశుడిని ప్రతిష్టించుకుని ఉత్సవాలను ప్రారంభించిందని గుర్తు చేశారు. దేశంలోనే గణేశ్ ఉత్సవాలకు ఖైరతాబాద్ ప్రసిద్ధి చెందిందన్నారు.
3/10
ఒక్కసారి నిర్వహణే కష్టమైన ప్రస్తుత రోజుల్లో ఎన్ని ఇబ్బందులు వచ్చినా వాటిని తట్టుకుంటూ ఖైరతాబాద్ గణేశ్ ఉత్సవ సమితి ఉత్సవాలను కొనసాగిస్తోందని పేర్కొన్నారు.
4/10
గతంలో పీసీసీ చీఫ్గా.. ప్రస్తుతం ముఖ్యమంత్రిగా ఈ ఉత్సవాల్లో పాల్గొనడం చాలా సంతోషంగా ఉందని తెలిపారు.
5/10
రాష్ట్రంలో గణేశ్ మండపాలకు ప్రభుత్వం ఉచిత విద్యుత్ అందించిందని చెప్పారు.
6/10
ప్రజాప్రతినిధులు, అధికారుల సహకారంతో ఎక్కడా సమస్యలు లేకుండా ఉత్సవాలను పూర్తి చేసుకున్నామన్నారు
7/10
ఈ ఉత్సవాలను విజయవంతంగా ముగించిన గణేశ్ ఉత్సవ సమితి సభ్యులను ఈ సందర్భంగా ఆయన అభినందించారు.
8/10
రాష్ట్ర ప్రభుత్వం తరఫున ఉత్సవ సమితికి అన్ని విధాలుగా సహకారం అందిస్తామని సీఎం రేవంత్ రెడ్డి హామీ ఇచ్చారు.
9/10
ఖైరతాబాద్ వినాయకుడిని దర్శించుకునేందుకు వచ్చిన సీఎం రేవంత్ రెడ్డికి ఉత్సవ సమితి నిర్వహకులతోపాటు హైదరాబాద్ జిల్లా కలెక్టర్ హరిచందన పుష్పగుచ్చం ఇచ్చి స్వాగతం పలికారు.
10/10
ముఖ్యమంత్రి పర్యటన సందర్భంగా ఖైరతాబాద్ వినాయకుడిని ఏర్పాటు చేసిన పరిసర ప్రాంతాల్లో భారీగా బందోబస్తు ఏర్పాటు చేశారు.
Updated at - Sep 05 , 2025 | 06:44 PM
