Saraswati Pushkaralu 2025: ముగియనున్న సరస్వతి పుష్కరాలు.. పోటెత్తిన భక్తులు

జయశంకర్ భూపాలపల్లి జిల్లాలోని కాళేశ్వరం త్రివేణి సంగమంలో జరుగుతున్న సరస్వతి నది పుష్కరాలు సోమవారంతో ముగియనున్నాయి. పుష్కరాలు ముగియనున్న నేపథ్యంలో పుణ్య స్నానమాచరించేందుకు భక్తులు భారీగా కాళేశ్వరానికి తరలి వచ్చారు. సరస్వతి నదిలో పుణ్యస్నానం చేసి స్వామివారిని దర్శించుకున్నారు. తెలంగాణ నుంచే కాకుండా వివిధ రాష్ట్రాల నుంచి భక్తులు భారీగా కాళేశ్వరం తరలి వస్తున్నారు. ఈ పుష్కరాలు మే 15వ తేదీన ప్రారంభమైన సంగతి తెలిసిందే. 12 ఏళ్లకు ఒకసారి వచ్చే పుష్కరాల్లో పుణ్యస్నానమాచరిస్తే.. కోరికలు తీరుతాయని భక్తులు విశ్వస్తారు.