హైదరాబాద్లో దంచికొట్టిన భారీ వర్షం - ఎక్కడికక్కడ నిలిచిపోయిన వాహనాలు..
ABN, Publish Date - Jul 17 , 2025 | 09:49 PM
హైదరాబాద్లోని మాదాపూర్, హైటెక్ సిటీ, కొండాపూర్, శేరిలింగంపల్లి, హకీంపేట్, కంటోన్మెంట్, ఖైరతాబాద్లో భారీ వర్షం కురుస్తోంది. ఆయా ప్రాంతాల్లో జన జీవనం పూర్తిగా స్తంభించింది.
1/8
నగరంలోని పలు ప్రాంతాల్లో భారీ వర్షం కురుస్తోంది. కూకట్పల్లి, కేపీహెచ్బీ(KPHB), నిజాంపేట్, మియాపూర్, మూసాపేట్ సహా బాలానగర్, సనత్నగర్, ఎర్రగడ్డలో వాన దంచికొడుతోంది.
2/8
అలాగే హైదరాబాద్లోని మాదాపూర్, హైటెక్ సిటీ, కొండాపూర్, శేరిలింగంపల్లి, హకీంపేట్, కంటోన్మెంట్, ఖైరతాబాద్లో భారీ వర్షం కురుస్తోంది. ఆయా ప్రాంతాల్లో జన జీవనం పూర్తిగా స్తంభించింది.
3/8
మరోవైపు వాహనదారులు తీవ్ర ఇక్కట్లు పడుతున్నారు. ఎక్కడికక్కడ ట్రాఫిక్ నిలిచిపోగా.. పలువురు మెట్రో పిల్లర్ల కింద తలదాచుకున్నారు.
4/8
కాగా, వర్షం నేపథ్యంలో అధికారులను జీహెచ్ఎంసీ అప్రమత్తం చేసింది. వర్షం తగ్గేంత వరకూ ఇళ్ల నుంచి బయటకు రావొద్దని ప్రజలకు సైతం సూచనలు చేసింది.
5/8
తెలంగాణలో మూడ్రోజులపాటు భారీ వర్షాలు కురిసే అవకాశం ఉందని వాతావరణ శాఖ తెలిపింది.
6/8
ఇవాళ్టి(గురువారం) నుంచి శనివారం వరకూ తెలంగాణవ్యాప్తంగా పలు జిల్లాల్లో వానలు కురవనున్నట్లు వెల్లడించింది
7/8
మహబూబ్ నగర్, సంగారెడ్డి, సిద్దిపేట, వికారాబాద్, నాగర్ కర్నూల్, పెద్దపల్లి, రంగారెడ్డి వరంగల్, హనుమకొండ జిల్లాలకు భారీ వర్ష సూచన చేసింది.
8/8
ఆయా జిల్లాల్లో గంటకు 40 కిలోమీటర్ల వేగంతో ఈదురుగాలులు వీచే అవకాశం ఉందని వాతావరణ శాఖ హెచ్చరించింది. ప్రజలు అప్రమత్తంగా ఉండాలని సూచించింది.
Updated at - Jul 17 , 2025 | 09:54 PM
