TTD Goshala: ఎస్వీ గోశాలను పరిశీలించిన టీటీడీ ఈవో ఏకే సింఘాల్

తిరుపతిలోని ఎస్వీ గోశాలను టీటీడీ ఈవో అనిల్ కుమార్ సింఘాల్ మంగళవారం పరిశీలించారు. గోశాల నిర్వహణ, గోవులకు అందుతున్న దాణా, వసతి, వైద్యం,తాగునీరుతోపాటు పరిశుభ్రత తదితర అంశాలను ఆయన పరిశీలించారు. అందుకు సంబంధించిన పలు అంశాలను ఆయనకు ఇంఛార్జ్ డైరెక్టర్ డి.ఫణి కుమార్ నాయుడు వివరించారు. దాదాపు 500 గోవులకు ఆధునిక వసతులతో నిర్మిస్తున్న సెంటర్ ఫర్ ఎక్సలెన్స్ భవనాన్ని, గోశాలలో గోవులు, పేయ దూడలు ఉంటున్న షెడ్లను టీటీడీ ఈవో ఏకే సింఘాల్ పరిశీలించారు.