TDP Mahanadu 2025: అన్న ఎన్టీఆర్‌కు మహానాడు వేదికగా ఘన నివాళి

కడప వేదికగా మహానాడు జరుగుతోంది. బుధవారం మహానాడు రెండో రోజు ప్రారంభమైంది. తెలుగుదేశం పార్టీ వ్యవస్థాపక అధ్యక్షుడు, మాజీ ముఖ్యమంత్రి నందమూరి తారక రామారావు జయంతి సందర్భంగా మహానాడు వేదికగా ఆయనకు పార్టీ అధినేత, సీఎం చంద్రబాబు నాయుడుతోపాటు పార్టీ నేతలంతా ఘనంగా నివాళులర్పించారు. మే 27వ తేదీన ప్రారంభమైన ఈ మహానాడు రేపటితో.. అంటే మే 29వ తేదీతో ముగియనుంది. ఈ మహానాడుకు లక్షలాది మంది టీడీపీ అభిమానులు హాజరయ్యారు.