సెల్ ఫోన్ల రికవరీలో రికార్డు సృష్టించిన అనంతపురం పోలీసులు

Anantapur police: మొబైల్ ఫోన్ల రికవరీలో 11 వేల మైలురాయిని అనంతపురం జిల్లా పోలీసులు దాటారు. ఈ రోజు అంటే ఫిబ్రవరి 28వ తేదీన అనంతపురంలోని పోలీస్ పరేడ్ గ్రౌండ్స్‌లో ఏర్పాటు చేసిన సెల్ ఫోన్ల రికవరీ మేళాలో 1,183 ఫోన్లను బాధితులను అందజేశారు. సెల్ ఫోన్ల రికవరీ చేసి.. బాధితులకు అందించడంలో అనంతపురం జిల్లా పోలీసులు దేశంలోనే అగ్రస్థానంలో నిలిచారు. ఇక దొరకవని ఆశలు వదులుకొన్న సెల్ ఫోన్లను పోలీసుల ద్వారా అందుకున్న బాధితుల్లో అనందం వెల్లివిరిసింది. జిల్లా పోలీసుల సేవలు పట్ల వారు హర్షం వ్యక్తం చేశారు.