Stomach Cleansing Foods: వీటితో పొట్ట క్లీన్‌

పొట్ట శుభ్రంగా ఉన్నప్పుడే జీవక్రియలు సజావుగా జరుగుతాయి. లేదంటే కడుపు ఉబ్బరించడం, ఎసిడిటీ, అజీర్తి, మలబద్దకం లాంటి సమస్యలతోపాటు పలు అనారోగ్య పరిస్థితులు ఎదురవుతాయి. ఏ పదార్థాలను ఆహారంలో చేర్చుకుంటే పొట్ట సహజ రీతిలో శుభ్రపడుతుందో తెలుసుకుందాం...

• రాత్రి పడుకునేముందు కొద్దిగా ఉసిరి రసం తాగితే జీర్ణాశయ వ్యవస్థ వేగంగా పనిచేస్తుంది. ఉదయానికల్లా పొట్టలోని మలినాలన్నీ పూర్తిగా విసర్జితమవుతాయి.

• ఉదయాన్నే అల్లం టీ లేదా ఒక గ్లాసు గోరువెచ్చని నీటిలో రెండు చెంచాల అల్లం రసం కలుపుకుని తాగితే జీర్ణ సమస్యలన్నీ తొలగిపోతాయి. పేగులు పూర్తిగా శుభ్రపడతాయి. కడుపులో తేలికగా ఉన్న భావన కలుగుతుంది.

• ఒక గ్లాసు నీళ్లలో ఒక చెంచా వాము వేసి బాగా మరిగించి రాత్రి పడుకునేముందు తాగితే ఉదయానికల్లా కడుపులో పేరుకున్న వ్యర్థాలన్నీ విసర్జితమవుతాయి. వాములో ఉండే పీచు పదార్థాలు పొట్టని, పేగులను శుభ్రం చేస్తాయి.

• ఉదయం లేవగానే ఒక గ్లాసు గోరువెచ్చని నీటిలో ఒక చెంచా తేనె, ఒక చెంచా నిమ్మరసం కలుపుకుని తాగినా పొట్ట శుభ్రమవుతుంది.

• తాజా కూరగాయలు, పండ్లు, శనగలు, ఓట్స్‌ను తరచూ ఆహారంలో చేర్చుకోవడం వల్ల మంచి ఫలితం కనిపిస్తుంది.

• మజ్జిగలో ప్రో బయోటిక్స్‌ ఎక్కువగా ఉంటాయి. ఇవి జీర్ణాశయంలో ఆరోగ్యకరమైన బ్యాక్టీరియాలను వృద్ధి పరుస్తాయి. తరచూ పలుచని మజ్జిగ తాగడం వల్ల పొట్టలో పేరుకున్న మలినాలన్నీ తొలగిపోతాయి.

• తరచూ జీలకర్ర నీటిని తాగుతూ ఉంటే కడుపు ఉబ్బరం తగ్గుతుంది. జీలకర్రలోని యాంటీ ఆక్సిడెంట్లు, పీచుపదార్థాలు మలబద్దకాన్ని నివారిస్తాయి. దీనివల్ల ఎప్పటికప్పుడు పొట్ట శుభ్రపడుతుంది.

• ఒక గ్లాసు గోరువెచ్చని పాలు లేదా నీళ్లలో అరచెంచా త్రిఫల చూర్ణాన్ని కలుపుకుని తాగితే పొట్టలోని మలినాలు, టాక్సిన్లు తేలికగా తొలగిపోతాయి.

ఈ వార్తలు కూడా చదవండి..

శాప్‌తో ఏసీఏ కలిసి అన్ని క్రీడలు ప్రోత్సహించేలా కృషి: ఎంపీ కేశినేని చిన్ని

సీఎం రేవంత్‌కి కేంద్ర మంత్రి కిషన్ రెడ్డి ఛాలెంజ్

For More AP News And Telugu News